आपातभ्रमसंपत्तिर्विद्युच्छ्रीरिव नाशिनी
गृही ददाति स्वसुतां राज्यसंपत्तिशालिने 4.41.
को वदेच्छंकरो दुःखी कुबेरो यस्य किंकरः
निर्गुणः परमात्मा च य ईशः प्रकृतेः परः
स एकः सृष्टिसंहारे स सर्वः सृष्टिकर्मणि
य ईशस्त्रिविधां मूर्तिं विधत्ते सृष्टिकर्मणि
ब्रह्मा च ब्रह्मलोकस्थो विष्णुः क्षीरोदवासकृत्
श्रीकृष्णश्च द्विधाभूतो द्विभुजश्च चतुर्भुजः
तस्य देवस्य तेंऽशाश्च ब्रह्मविष्णुमहेश्वराः
कृष्णः सृष्ट्युन्मुखश्चापि प्रकृतिं तत्र निर्ममे
ततो डिम्भः समुद्भूतस्तन्मध्ये च महाविराट्
नाभिपद्मोद्भवो ब्रह्मा तस्यैव जलशायिनः 4.41.
महाविष्णुर्वामपार्श्वात्संभूतो विष्णुरेव च
धत्ते चतुर्विधां मूर्तिं प्रकृतिः कृष्णसंभवा
कृष्णवामांगसंभूता राधा रासेश्वरी स्वयम्
वक्षःस्थलोद्भवा लक्ष्मीः सर्वसंपत्स्वरूपिणी
निहत्य दानवान्सर्वान्देवेभ्यश्च श्रियं ददौ
नाम्ना सती शिवं प्राप दक्षस्तस्मै ददौ च ताम्
पितॄणां मानसी कन्या मेनका तव गेहिनी
शिवा शिवस्य पत्नीयं शैल जन्मनिजन्मनि
देहि त्वं स्वेच्छया कन्यां देहि भद्र शिवाय च 4.41.
प्राक्तनाद्यस्य या कांता सा तं प्राप्नोति वल्लभम्
विवाहे नोत्सुकः शंभुः स्वात्मारामश्च तत्त्ववित्
देवानां पीडनं दृष्ट्वा ब्रह्मणा प्रार्थितो विभुः
कृत्वा प्रतिज्ञां योगींद्रो दृष्ट्वा क्लेशमसंख्यकम्
तामाश्वास्य वरं दत्त्वा जगाम निजमंदिरम्
नारायणश्च भगवान्ब्रह्मा धर्मश्च सांप्रतम्
तत्र सर्वे मुदा युक्तैः समालोचनकर्तृभिः
तव प्रबोधने प्रीतिर्वर्द्धते महती सदा
शिवां शिवाय शैलेंद्र स्वेच्छया चेन्न दास्यसि ।। । भविता वा विवाहश्च भवितव्यबलेन च