पुनः प्रजग्मुस्ता मत्ताः सुन्दरं रासमण्डलम्
माधवीकेतकीकुन्दमालतीनां मनोहरैः
दृष्ट्वा च स्फुटितं पुष्पं चयनं कर्तुमीश्वरी
काश्चिन्नियोजयामास मालानिर्माणकर्मणि
माला चन्दनताम्बूलं गोपीदत्तं च सुन्दरी
काश्चिन्नियोजनं चक्रुः कृष्णसङ्गीतकर्मणि
एवं रासे रतिं कृत्वा लीलया हरिणा सह
पुष्पोद्यानेषु रम्येषु सरसां च तटेषु च 4.28.
अतीव निर्जनस्थाने श्मशाने गिरिगह्वरे
भाण्डीरे श्रीवने रम्ये कदम्बकानने तथा
निम्बारण्ये मधुवने जम्बीरकानने तथा
बदरीकानने बिल्ववने नारिङ्गकानने
मन्दारकानने तालवने चूतवने तथा
आम्रातकवने जम्बूगहने शालकानने
न्यग्रोधगहने घोरे तथा श्रीखण्डकानने
एवं रेमे कौतुकेन कामात्त्रिंशद्दिवानिशम्
न कामिनीनां कामश्च शृङ्गारेण निवर्तते
जग्मुर्देवाः स्वगेहं च देव्यश्च मुनयस्तथा 4.28.
गेहे गेहे नृपेन्द्राणां लेभिरे जन्म भारते
श्रीनारायण उवाच अतिप्रौढाश्च मानिन्यो नेश्वरं मेनिरे पतिम्
काश्चिदूचुरहो कृष्ण सस्मिता वक्रलोचनाः
काश्चिदूचुरये कृष्ण स्वक्रोडेऽस्मांश्च कुर्विति
उवाच काचिद्दर्पेण प्रमत्ता प्राणवल्लभम्
उवाच काचिदीशं तं सिन्दूरं देहि मामिति
कृत्वा कुन्तलसंस्कारं कुरु मे कबरीमिति
स्वांगवेषविधायिन्यो भूषार्थं श्रुतिमूलयोः
पश्यन्ती तन्मुखाम्भोजं सस्मिता मैथुनाय च
जहार पीतवसनं कृत्वा नग्नं च कामिनी
अलक्तकद्रवं देहि पादयोर्नखरेषु च 4.29.
नानाचित्रविचित्राढ्यां करु पत्रावलीमिति