निरूपितं कामशास्त्रे चकारेशस्ततोऽधिकम्
प्रीत्यर्थमपि कर्तव्यं चकारेशस्ततोऽधिकम् शुशुभे कृष्णदेहश्च यथाऽद्रिर्गैरिकेण च
एवंभूते पूर्णराससंभूते रासमण्डले
सुवर्णस्यन्दनस्थाश्च कौतुकात्स्वगणावृताः
ऋषयो मुनयश्चैव सिद्धाश्च पितरस्तथा सस्त्रीकाश्च समाजग्मुर्ददृशुश्च मुदाऽन्विताः
दिव्यस्यन्दनमारुह्य शातकौम्भविनिर्मितम्
वह्निशुद्धांशुकेनैव वेष्टितं सुमनोहरम्
शतचक्रं चित्रयुक्तं मनोयायि मनोहरम्
समाजगाम भगवान्पार्वत्या सह शंकरः 4.28.
पुरतः कार्तिकेयश्च स्वयं देवो गणेश्वरः
क्षेत्रपालादयः सर्वे तथाऽष्टौ भैरवेश्वराः
भारत्या सह ब्रह्मा च शातकौम्भरथस्थितः
सुवर्णस्यन्दनस्थश्च धर्मः साक्षी च कर्मणाम्
पश्यन्ती पूर्णरासं च सकामा वक्रलोचना
शच्या सह महेन्द्रश्च रोहिण्या च कलानिधिः
समाजगाम कामश्च रतिं कृत्वा च वक्षसि
आकाशस्थाश्च ददृशुः सरासं रासमण्डलम्
मुहूर्तं च सुराः सर्वे सस्मिताश्च मुदाऽन्विताः
कस्तूरीयुक्तमाल्यानां वृष्टिं चक्रुर्मुनीश्वराः 4.28.
स्थले रतिरसं कृत्वा जगाम यमुनाजलम्
गोपीभिः सह जग्मुश्च मायाः श्रीकृष्णरूपिकाः
जलं ददौ राधिकायै सकामो माधवः स्वयम्
वस्त्रं जग्राह तस्याश्च सा च नग्ना बभूव ह
सिन्दूरपक्षकं लुप्तं वेषं च जलताडनैः
तां च नग्नां समाश्लिष्य निममज्ज जले हरिः
तां च नग्नां दर्शयित्वा गोपिकां क्रीडया नताम्
सा वेगेन समुत्थाय बलाज्जग्राह माधवम्
गृहीत्वा पीतवसनं तं चकार दिगम्बरम्
हरिं पुनः समाकृष्य प्रेषयामास पाथसि 4.28.
उत्थाय माधवः शीघ्रं तां गृहीत्वा प्रहस्य च एवं ता मूर्तयः सर्वा गोपीभिः सह कौतुकात्