स्वर्णपीठानि च ब्रह्मन्नाजग्मुर्यष्टिसन्निधिम्
नानाविधानि वाद्यानि चारूणि मधुराणि च
छागलानां सहस्राणि महिषाणां शतानि च
बालकानां बालिकानां वृक्षाणां वृक्षयोषिताम् 4.21.
गायकानां च संगीतं नर्तकानां च नर्तनम्
रंभोर्वशी मेनका च घृताची मोहिनी रतिः
चन्द्रप्रभा सुप्रभा च रत्नमाला मदालसा
तासां नृत्येन गीतेन स्तनास्यश्रोणिदर्शनात्
एतस्मिन्नन्तरे शीघ्रमाजगाम हरिः स्वयम्
दृष्ट्वा तं च जनाः सर्वे संभ्रान्ता हर्षविह्वलाः
क्रीडास्थानात्समायान्तं शान्तं सुन्दरविग्रहम्
सद्रत्नसारभूषाभिर्भूषितं कौस्तुभेन च
शरन्मध्याह्नपद्मास्यं पश्यन्तं रत्नदर्पणे
शशाङ्केन यथाऽऽकाशं भालमध्यविराजितम् 4.21.
बकपङ्क्त्या यथाऽऽकाशं शारदीयं सुनिर्मलम्
विभान्तं विद्युता शश्वन्नवनिं नीरदं यथा
यथेन्द्रधनुषा भाति विभातं भगणैर्नभः
शरत्प्रफुल्लपद्मं च द्युमणेः किरणैर्यथा
प्रणम्य वासयामासू रत्नसिंहासने शुभे
यथा बभौ शरच्चन्द्रो ज्योतिषामन्तरे च खे
स्वेच्छामयं गुणातीतं ज्योतीरूपं सनातनम् सर्वेषां दुर्लभां नीतिं नीतिशास्त्रविशारदः
श्रीकृष्ण उवाच
आराध्यः कश्च का पूजा किं फलं पूजने भवेत्
देवे रुष्टे भवेत्किं वा पूजायाः प्रतिबन्धके 4.21.
काचिद्ददात्यत्र फलं परत्रेह न काचन
अवेदविहिता पूजा सर्वहानिकरण्डिका
दृष्टो देवस्त्वया कस्मिन्पूजेयं चानुसारिणी
साक्षाद्भुङ्क्ते च यो देवः सुप्रशस्तं तदर्चनम्
ब्राह्मणे परितुष्टे च संतुष्टाः सर्वदेवताः
पूजिता ब्राह्मणा येन पूजिताः सर्वदेवताः