पाकं च यष्टिनिकटे कर्तुमाज्ञां चकार ह
तत्र रत्नप्रदीपाश्च जज्वलुः परितस्तथा
नानाविधानि पुष्पाणि माल्यानि विविधानि च
तिललड्डुकपूर्णं च मण्डकानां सहस्रकम्
कलशानां सहस्रं च पूर्णं शर्करया मुने 4.21.
घृतपक्वैर्विप्रकृतैः पूर्णानि कलशानि च
फलानि परिपक्वानि कालदेशोद्भवानि च
मधूनां कुम्भशतकं सर्पिष्कुम्भ सहस्रकम्
घटानां पञ्चलक्षाणि गुडपूर्णानि निश्चितम्
वृषेन्द्राश्च बहुविधा भोगार्हद्रव्यवाहकाः
स्वर्णपीठानि च ब्रह्मन्नाजग्मुर्यष्टिसन्निधिम्
नानाविधानि वाद्यानि चारूणि मधुराणि च
छागलानां सहस्राणि महिषाणां शतानि च
बालकानां बालिकानां वृक्षाणां वृक्षयोषिताम् 4.21.
गायकानां च संगीतं नर्तकानां च नर्तनम्
रंभोर्वशी मेनका च घृताची मोहिनी रतिः
चन्द्रप्रभा सुप्रभा च रत्नमाला मदालसा
तासां नृत्येन गीतेन स्तनास्यश्रोणिदर्शनात्
एतस्मिन्नन्तरे शीघ्रमाजगाम हरिः स्वयम्
दृष्ट्वा तं च जनाः सर्वे संभ्रान्ता हर्षविह्वलाः
क्रीडास्थानात्समायान्तं शान्तं सुन्दरविग्रहम्
सद्रत्नसारभूषाभिर्भूषितं कौस्तुभेन च
शरन्मध्याह्नपद्मास्यं पश्यन्तं रत्नदर्पणे
शशाङ्केन यथाऽऽकाशं भालमध्यविराजितम् 4.21.
बकपङ्क्त्या यथाऽऽकाशं शारदीयं सुनिर्मलम्
विभान्तं विद्युता शश्वन्नवनिं नीरदं यथा
यथेन्द्रधनुषा भाति विभातं भगणैर्नभः
शरत्प्रफुल्लपद्मं च द्युमणेः किरणैर्यथा
प्रणम्य वासयामासू रत्नसिंहासने शुभे
यथा बभौ शरच्चन्द्रो ज्योतिषामन्तरे च खे