मालतीमालया कण्ठवक्षःस्थलविराजितम्
सुनखं सुकपोलं च पक्व बिम्बाधरं वरम्
शिखिपिच्छसमायुक्तं बद्धचूडं परात्परम्
ध्यानासाध्यं योगिनां च भक्तानुग्रहकातरम्
दृष्ट्वैवमीश्वरं भक्त्या प्रणेमुर्द्विजयोषितः
विप्रपत्न्य ऊचुः निर्गुणश्च निराकारः साकारः सगुणः स्वयम्
साक्षिरूपश्च निर्लिप्तः परमात्मा निराकृतिः
सृष्टिस्थित्यन्तविषये ये च देवास्त्रयः स्मृताः
यस्य लोम्नां च विवरे चाखिलं विश्वमीश्वर
तेजस्त्वं चापि तेजस्वी ज्ञानं ज्ञानी च तत्परः 4.18.
महदादिसृष्टिसूत्रं पञ्चतन्मात्रमेव च
सर्वशक्तीश्वरः सर्वः सर्वशक्त्याश्रयः सदा
अहोऽप्याकारहीनस्त्वं सर्वविग्रहवानपि
सरस्वती जडीभूता यत्स्तोत्रे यन्निरूपणे
पार्वती कमला राधा सावित्री वेदसूरपि
वयं किं स्तवनं कुर्मः स्त्रियः प्राणेश्वरेश्वर
इति पेतुश्च ता विप्रपत्न्यस्तच्चरणाम्बुजे
विप्रपत्नीकृतं स्तोत्रं पूजाकाले च यः पठेत्
श्रीकृष्णस्य वचः श्रुत्वा विप्रपन्त्यो मुदाऽन्विताः 4.18.
द्विजपत्न्य ऊचुः देहि स्वं दास्यमस्मभ्यं दृढां भक्तिं सुदुर्लभाम्
पश्यामोऽनुक्षणं वक्त्रसरोजं तव केशव
द्विजपत्नीवचः श्रुत्वा श्रीकृष्णः करुणानिधिः
प्रदत्तं विप्रपत्नीभिर्मिष्टमन्नं सुधोपमम्
एतस्मिन्नन्तरे तत्र शातकुम्भं रथं परम्
रत्नदर्पणसंयुक्तं रत्नसारपरिच्छदम्
श्वेतचामरसंयुक्तं वह्निशुद्धांशुकान्वितम्
शतचक्रसमायुक्तं मनोयायि मनोहरम्
पीतवस्त्रपरीधानै रत्नालंकारभूषितैः
द्विभुजैर्मुरलीहस्तैर्गोपवेषधरैर्वरैः 4.18.
अवरुह्य रथात्तूर्णं ते प्रणम्य हरेः पदम्