अथ वा ते प्रवक्ष्यामि परं हेत्वन्तरं शृणु
राधाषोडशनाम्नां च वृन्दानाम श्रुतौ श्रुतम्
गोलोके प्रीतये तस्याः कृष्णेन निर्मितं पुरा
नारद उवाच तानि मे वद शिष्याय श्रोतुं कौतूहलं मम
श्रुतं नाम्नां सहस्रं च सामवेदे निरूपितम्
अभ्यंतराणि तेषां वा तदन्यान्येव मे विभो
नामानि तेषां व्युत्पत्तिं सर्वेषां दुर्लभानि च
श्रीनारायण उवाच कृष्णप्राणाधिका कृष्णप्रिया कृष्णस्वरूपिणी ।। 4.17.
कृष्णवामांगसंभूता परमानन्दरूपिणी
चन्द्रावती चन्द्रकान्ता शतचन्द्रनिभानना
राधेत्येवं च संसिद्धा राकारो दानवाचकः
रासेश्वरस्य पत्नीयं तेन रासेश्वरी स्मृता
सर्वासां रसिकानां च देवीनामीश्वरी परा
प्राणाधिका प्रेयसी सा कृष्णस्य परमात्मनः
कृष्णस्यातिप्रिया कान्ता कृष्णो वाऽस्याः प्रियः सदा
कृष्णरूपं सन्निधातुं या शक्ता चावलीलया
वामाङ्गार्धेन कृष्णस्य या संभूता परा सती
परमानन्दराशिश्च स्वयं मूर्तिमती सती 4.17.
कृषिर्मोक्षार्थवचनो न एवोत्कृष्टवाचकः
अस्ति वृन्दावनं यस्यास्तेन वृन्दावनी स्मृता
संघः सखीनां वृन्दः स्यादकारोऽप्यस्तिवाचकः
वृन्दावने विनोदश्च सोऽस्या ह्यस्ति च तत्र वै
नखचन्द्रावलीवक्रचन्द्रोऽस्ति यत्र संततम्
चन्द्रतुल्या कान्तिरस्ति सदा यस्या दिवानिशम्
शरच्चन्द्रप्रभा यस्याश्चाननेऽस्ति दिवानिशम्
इदं षोडशनामोक्तमर्थव्याख्यानसंयुतम्
ब्रह्मणा च पुरा दत्तं धर्माय जनकाय मे
पुष्करे च महातीर्थे पुण्याहे देवसंसदि 4.17.
इदं स्तोत्रं महापुण्यं तुभ्यं दत्तं मया मुने
यावज्जीवमिदं स्तोत्रं त्रिसंध्यं यः पठेन्नरः