गजरत्नमश्वरत्नं रत्नानि मणिभूषणम्
रेमे सुनिर्जने रम्ये बुबुधे न दिवानिशम् 4.17.
व्याकुलो वृषभानुश्च क्षणेन च तया विना
जातिस्मरो हरेरंशो वृषभानो मुदाऽन्वितः
सदा सकामा सा प्रौढा स च कामसमो युवा दैवात्सुदाम शापेन श्रीकृष्णस्याज्ञया पुरा
अयोनिसंभवा सा च कृष्णप्राणाधिका सती
स्थानान्तरं विश्वकर्मा जगाम स्वगणैः सह
क्रोशमात्रं स्थलं चारु मनसाऽऽलोच्य तत्त्ववित्
कृत्वाऽनुमानं बुद्ध्या च सर्वतोऽपि विलक्षणम्
दुर्लङ्घ्याभिर्वैरिभिश्च खनिताभिश्च प्रस्तरैः
चारु चम्पकवृक्षैश्च पुष्पितैः सुमनोहरैः 4.17.
आम्रैर्गुडालैः पनसैः खर्जूरैर्नारिकेलकैः
तुङ्गैराम्रातकैर्जम्बुसमूहैश्च फलान्वितैः
सर्वतः शोभिताभिश्च फलैस्तैः पुष्पितैरहो
परिखानां रहः स्थाने चकार मार्गमुत्तमम्
संकेतेन मणिस्तम्भैश्छादितैः स्वल्पपाथसा
परिखोपरिभागे च प्राकारं सुमनोहरम्
प्रस्तरस्य प्रमाणं च पञ्चविंशतिहस्तकम्
बाह्ये द्वाभ्यां च संयुक्तमन्तरे सप्तभिस्तथा
स्वर्णसारविनिर्माणकलशोज्ज्वलशेखरम् 4.17.
राजमार्गाश्च विविधान्स च चारूंश्चकार ह
पारावारे च परितो निबन्धांश्च मनोहरान्
सर्वतो दक्षिणे वामे ज्वलद्भिश्च विराजितान्
सुन्दरं मण्डलाकारं मणिप्राकारसंयुतम्
मणिसारविकारैश्च मण्डपैर्नवकोटिभिः
नानाजातिप्रसूनानां वायुना सुरभीकृतैः
पुष्पोद्यानैः पुष्पितैश्च सरोभिश्च सुशोभितम्
दृष्ट्वा वृन्दावनं रम्यं परितुष्टो बभूव ह
कृत्वा परिमितं बुद्ध्या मनसालोच्य यत्नतः
राधामाधवयोरेव क्रीडार्थं च विनिर्ममे 4.17.