श्रीकृष्णरूपश्रवणात्साश्रुपूर्णविलोचनः
पूतां कर्तुं च भ्रमथ चरणाम्भोजरेणुना
समागमो हि साधूनां त्रिषु लोकेषु दुर्लभः
आत्मनश्चात्मभक्तेभ्यो वैष्णवाश्च प्रियाश्च नः
तच्छ्रूयतां महाभागाः पार्वतीव्रतकर्मणि
ते तूर्णमासुरीं योनिं गमिष्यन्ति न संशयः
संप्राप्य मानवीं योनिं गोलोकं यास्यथ ध्रुवम्
ध्रुवं द्रक्ष्यथ भो वत्सा वृन्दारण्ये च भारते
दिव्यं स्यंदनमारुह्य गमिष्यथ हरेर्गृहम्
तत्सर्वं पश्यतेत्युक्त्वा दर्शयामास तच्छिवः 4.16.
आजग्मुर्दानवीं योनिमिति ते दानवेश्वराः
सुदर्शनः प्रलम्बोऽयं स्वयं केशी सुपार्श्वकः
मृत्युं संप्राप्य श्रीकृष्णाज्जग्मुस्ते कृष्णमन्दिरम् बककेशिप्रलम्बानां मोक्षणं मोक्षकारकम्
कानि द्रव्याणि भगवन्व्रतोपयोगिकनि च
सुविचार्य वद विभो श्रोतुं कौतूहलं मम व्रतं त्रैमासिकं नाम पतिसौभाग्यवर्धनम्
आराध्यो भगवान्कृष्णो राधिकासहितो मुने
संयम्य पूर्वदिवसे कृत्वाऽवश्यं हविष्यकम्
घटे मणौ शालग्रामे जले वा पूजयेद्व्रती 4.16.
ध्यानं च सामवेदोक्तं निबोध कथयामि ते
शरत्पार्वणचन्द्रास्यमीषद्धास्यसमन्वितम्
मानसं गोपिकानां च मोहयन्तं मुहुर्मुहुः
ब्रह्मानन्तेशधर्माद्यैः स्तूयमानमहं भजे
ध्यायेत्तदा राधिकां च ध्यानं मध्यंदिनेरितम्
रासमण्डलमध्यस्थां रासाधिष्ठातृदेवताम्
रसिकप्रवरां रम्यां रमां च रमणोत्सुकाम्
वक्रभ्रूभङ्गसंयुक्तां मञ्जीरेणैव रञ्जिताम्
चारुचम्पकवर्णाभां चन्दनेन विभूषिताम्
चारुपत्रावलीयुक्तां वह्निशुद्धांशुकोज्ज्वलाम् 4.16.
रत्नेन्द्रसारहारेण वक्षःस्थलविराजिताम्
सद्रत्नसाररचितक्वणन्मञ्जीररञ्जिताम्