युक्तं मङ्गलकुम्भैश्च फलपल्लवसंयुतैः
माल्यानां वरवस्त्राणां राशिभिश्च विराजितम्
फलानां जलकुम्भानां समूहैश्च समन्वितम्
ढक्कानां दुन्दुभीनां च पटहानां तथैव च
वंशीसन्नहनीकांस्यशरयन्त्रैश्च शब्दितम्
गंधर्वनायकानां च संगीतैर्मूर्च्छनायुतैः
एतस्मिन्नन्तरे नन्दमुवाच वाचको मुदा
अश्वस्थाश्च गजस्थाश्च रथस्थाश्चेति सत्वरम् 4.13.
आगतो गिरिभानुश्च सस्त्रीकश्च सकिङ्करः
तुरङ्गमाणां कोटिश्च शिबिकानां तथैव च
बन्दिनां भिक्षुकाणां च समूहैश्च समीपतः
पश्यागत्य बहिर्भूयेत्युवाच प्राङ्गणे स्थितः
प्राङ्गणे वासयामास पूजयामास सत्वरम् पाद्यादिकं च तेभ्यश्च प्रददौ सुसमाहितः
वस्तुभिर्बन्धुभिः पूर्णं बभूव नन्दगोकुलम्
त्रिमुहूर्तं कुबेरश्च श्रीकृष्णप्रीतये मुदा
कौतुकापह्नवं चक्रुर्बन्धुवर्गाश्च क्रीडया
नन्दः कृताह्निकः पूतो धृत्वा धौते च वाससी
उवास पादौ प्रक्षाल्य स्वर्णपीठे मनोहरे 4.13.
गर्गवाक्यानुसारेण बालकस्य मुदाऽन्वितः
सघृतं भोजयित्वा च कृत्वा नाम जगत्पतेः
नानाविधानि स्वर्णानि धनानि विविधानि च
बन्दिभ्यो भिक्षुकेभ्यश्च सुवर्णं विपुलं ददौ
ब्राह्मणान्बन्धुवर्गांश्च भिक्षुकांश्च विशेषतः
दीयतां दीयतां चैव खाद्यतां खाद्यतामिति
रत्नानि परिपूर्णानि वासांसि भूषणानि च
चारूणि स्वर्णपात्राणि कृतानि विश्वकर्मणा
शिष्येभ्यः स्वर्णभाराणि प्रददौ विनयान्वितः 4.13.
श्रीनारायण उवाच तुष्टाव परया भक्त्या प्रणम्य च तमीश्वरम्
साश्रुनेत्रः सपुलको भक्तिनम्रात्मकन्धरः
गर्ग उवाच प्रसन्नो भव मामीश देहि दास्यं पदाम्बुजे