वह्निस्वेदं भ्रष्टभङ्गं पक्वतैलविशेषकम्
पिण्डारकमपक्वं च रम्भा फलमपक्वकम्
सघृतं रोचनाचूर्णं सघृतं शुष्कशर्करम् 1.16.
द्रव्याण्येतानि गान्धर्वि सद्यः श्लेष्महराणि च
भोजनानन्तरं सद्यो गमनं धावनं तथा
वृद्धस्त्रीगमनं चैव मनःसन्ताप एव च
कटु वाक्यं भयं शोकः केवलं वायुकारणम्
पक्वं रम्भाफलं चैव सबीजं शर्करोदकम्
माहिषं दधि मिष्टं च केवलं वा सशर्करम्
पक्वतैलविशेषं च तिलतैलं च केवलम्
शीतलोष्णोदकस्नानं सुस्निग्धचन्दनद्रवम्
एतत्ते कथितं वत्से सद्योवायुप्रणाशनम्
व्याधिसंघश्च कथितस्तन्त्राणि विविधानि च 1.16.
तन्त्राण्येतानि सर्वाणि व्याधिक्षयकराणि च
न शक्तः कथितुं साध्वि यथार्थं वत्सरेण च
केन रोगेण त्वत्कान्तो मृतः कथय शोभने
सौतिरुवाच कथां कथितुमारेभे सा गान्धर्वी प्रहर्षिता
मालावत्युवाच सभायां लज्जितः कान्तो मम विप्र निशामय
सर्वं श्रुतमपूर्वं च शुभाख्यानं मनोहरम्
अधुना मत्प्राणकान्तं देहि देहि विचक्षण
मालावतीवचः श्रुत्वा विप्ररूपी जनार्दनः
सौतिरुवाच परस्परं च सम्भाषा बभूव तत्र संसदि
मा तं बुबुधिरे देवाः श्रीहरिं विप्ररूपिणम्
सुरान्सम्बोध्य विप्रश्च वाचा मधुरया द्विज
ब्राह्मण उवाच ययाचे जीवदानं च स्वामिनः शोककर्षिता
अधुना किमनुष्ठानमस्य कार्यस्य निश्चितम्
शप्तुकामा सुरान्सर्वान्साध्वी तेजस्विनी वरा
स्तुतिः कृता च युष्माभिः श्वेतद्वीपे हरेरपि
बभूवाकाशवाणीति पश्चाद्यास्यति केशव
ब्राह्मणस्य वचः श्रुत्वा स्वयं ब्रह्मा जगद्गुरुः