रोहिणीं ब्राह्मणीं चैव अष्टमीं स्थानदेवताम्
पुष्पकं मस्तके न्यस्य पुनर्ध्यायेद्विचक्षणः
ब्रह्मणा कथितं पूर्वं कुमाराय महात्मने ।। 4.8.
बालं नीलांबुजाभमतिशयरुचिरं स्मेरवक्त्रांबुजं तं ब्रह्मेशानंतधर्मैः कतिकतिदिवसैः स्तूयमानं परं यत्
ध्यात्वा पुष्पं च दत्त्वा च तत्सर्वं च निवेदयेत्
आसनं सर्वशोभाढ्यं सद्रत्नमणिनिर्मितम्
वसनं वह्निशौचं च निर्मितं विश्वकर्मणा
पादप्रक्षालनार्थं च स्वर्णपात्रस्थितं जलम्
मधुसर्पिर्दधिक्षीरं शर्करासंयुतं परम्
दूर्वाक्षतं शुक्लपुष्पं स्वच्छतोयसमन्वितम्
सुस्वादु स्वच्छतोयं च वासितं गंधवस्तुना
गंधद्रव्यसमायुक्तं विष्णो तैलं सुवासितम्
सद्रत्नमणिसारेण रचितां सुमनोहराम् 4.8.
चूर्णं च वृक्षभेदानां मूलानां द्रवसंयुतम्
पुष्पं सुगंधियुक्तं च संयुक्तं कुंकुमेन च
गृह्यतां स्वस्तिकोक्तं च मिष्टद्रव्यसमन्वितम्
लड्डुकं मोदकं चैव सर्पिः क्षीरं गुडं मधु
शीतलं शर्करायुक्तं क्षीरस्वादुसुपक्वकम्
भक्त्या निवेदितमिदं गृह्यतां परमेश्वर
अबीरचूर्णं रुचिरं गृह्यतां परमेश्वर
सुप्रियः सर्वदेवानां धूपोऽयं गृह्यतां हरे
सुप्रदीपो दीप्तिकरो दीपोऽयं गृह्यतां हरे
जीवनं सर्वबीजानां पानार्थं गृह्यतां हरे 4.8.
शरीरभूषणवरं माल्यं च प्रतिगृह्यताम्
व्रतस्थानस्थितं द्रव्यं हरये देयमेव च
वंशवृद्धिकराण्येव गृह्यतां परमेश्वर
तान्पूज्य भक्तिभावेन दद्यात्पुष्पांजलित्रयम्
गणेशं कार्त्तिकेयं च ब्रह्माणं च शिवं शिवाम्
शेषं सुदर्शनं चैव पार्षदप्रवरांस्तथा ब्राह्मणेभ्यश्च नैवेद्यं दत्त्वा दद्याच्च दक्षिणाम्
कथां च जन्माध्यायोक्तां शृणुयाद्भक्ति भावतः