व्याधयः संति देहेषु मृत्युश्चरति जंतुषु
ब्राह्मण्यनिष्ठा विप्राश्च तपोनिष्ठास्तपोधनाः 4.6.
ते सर्वे मद्भयाद्भीताः स्वकर्मधर्मतत्पराः
देवाः कालस्य कालोऽहं विधाता धातुरेव च
ममाज्ञयाऽयं संहर्ता नाम्रा तेन हरः स्मृतः
ब्रह्मादितृणपर्यन्तं सर्वेषामहमीश्वरः
अहं यान्संहरिष्यामि कस्तेषामपि रक्षिता
सर्वेषामपि संहर्ता स्रष्टा पाताऽहमेव च
भक्ता ममानुगा नित्यं मत्पादार्चनतत्पराः
सर्वे नश्यंति ब्रह्माण्डे प्रभवंति पुनःपुनः
अतो विपश्चितः सर्वे दास्यं वांछंति नो वरम्
जन्ममृत्युजराव्याधि भयं च यमयातना 4.6.
भक्ता न लिप्ताः पापेषु पुण्येषु सर्वक र्मिणः
अहं प्राणश्च भक्तानां भक्ताः प्राणा ममापि च
चक्रं सुदर्शनं नाम षोडशारं सुतीक्ष्णकम्
भक्तान्तिके तु तच्चक्रं दत्त्वा रक्षार्थमीप्सितम्
न मे स्वास्थ्यं च वैकुंठे गोलोके राधिकांतिके
प्राणेभ्यः प्रेयसी राधा स्थितोरसि दिवानिशम्
भक्तदत्तं च यद्द्रव्यं भक्त्या ऽश्नामि सुरेश्वराः
स्त्रीपुत्रस्वजनांस्त्यक्त्वा ध्यायंते मामहर्निशम्
दुष्टा यदा मे भक्तानां ब्राह्मणानां गवामपि
तथाऽचिरं ते नश्यंति यथा वह्नौ तृणानि च 4.6.
यास्यामि पृथिवीं देवा यात यूयं स्वमालयम्
इत्युक्त्वा जगतां नाथो गोपाना हूय गोपिकाः
गोपा गोप्यश्च शृणुत यात नंदव्रजं परम्
वृषभानुप्रिया साध्वी नंदगोपकलावती
पितॄणां मानसी कन्या धन्या मान्या च योषिताम्
तस्या गृहे जन्म लभ शीघ्रं नंदव्रजं व्रज
त्वं मे प्राणाधिका राधे तव प्राणाधिकोऽप्यहम्
श्रुत्वैवं राधिका तत्र रुरोद प्रेमविह्वला