सर्वसौभाम्यसंयुक्तं यशसा पूरितं जगत्
पत्नी पतिव्रता साध्वी सुशीला सुस्थिराः प्रजाः
श्रीनारायण उवाच ध्यात्वा स्तुत्वा च तिष्ठंतो देवास्ते तेजसः पुरः
सजलांभोदवर्णाभं सस्मितं सुमनोहरम्
गंडस्थलकपोलाभ्यां ज्वलन्मकर कुण्डलम्
वह्निशुद्धहरिद्राभामूल्यवस्त्रविराजितम्
भूषितं भूषणै रम्यैस्तद्रूपेणैव भूषितैः
प्रसन्नेक्षणपश्यंतं भक्तानुग्रहकातरम्
कौस्तुभासक्तसद्रत्नप्रदीप्ततेजसोज्ज्वलम्
पश्यंतं सस्मितं कांतं पश्यंतीं वक्रचक्षुषा
ईषद्धास्यप्रसन्नास्यां शरत्पंकजलोचनाम्
बंधुजीवप्रभामुष्टाधरौष्ठरु चिराननाम् 4.6.
मणींद्राणां प्रभामोषनखराजिविराजिताम्
अमूल्यरत्नसाराणां रशनाश्रोणिभूषिताम्
महामणींद्रसाराणां किङ्किणीमध्यसंयुताम्
रत्नेंद्रसाररचितकपोलोज्ज्वलकुण्डलाम्
खगेंद्रचंचुनासाग्र गजेंद्रमौक्तिकान्विताम्
मालया कौस्तुभेंद्राणां वक्षःस्थलसुशोभिताम्
रत्नांगुलीय निकरैः करांगुलिविभूषिताम्
सूक्ष्मसूत्राकृतै रम्यैर्भूषिता शंखभूषणैः
प्रतप्तस्वर्णवर्णाभामाच्छाद्य चारुविग्रहाम्
भूषितां भूषणैः सर्वैः सौंदर्येण विभूषितैः तुष्टुवुस्ते सुराः सर्वे पूर्णसर्वमनोरथाः।।4.6.
तव चरणसरोजे मन्मनश्चंचरीको भ्रमतु सततमीश प्रेमभक्त्या सरोजे
विषयमतिविनिंद्यं सृष्टिसंहाररूपमपनय तव भक्तिं देहि पादारविंदे
तव निजजनसार्द्धं संगमो मे मदीश भवतु विषयबंधच्छेदने तीक्ष्णखङ्गः। तव चरणसरोजे स्थानदानैकहेतुर्जनुषि जनुषि भक्तिं देहि पादारविन्दे
इत्येवं स्तवनं कृत्वा परिपूर्णैकसानसाः
सुराणां स्तवनं श्रुत्वा तानु वाच कृपानिधिः
शिवाश्रयाणां कुशलं प्रष्टुं युक्तं न सांप्रतम्
निश्चिंता भवतात्रैव का चिंता वो मयि स्थिते
युष्माकं यमभिप्रायं सर्वं जानामि निश्चितम्