चंदनागुरुकस्तूरीकुंकुमद्रवसंयुतम्
पर्णदूर्वाक्षतैर्लाजैर्निर्मंछनविभूषितैः
पारिजातप्रसूनानां मालायुक्तैर्विराजितम्
सर्वानिर्वचनीयं च यद्द्रव्यमनिरूपितम्
पारिजातप्रसूनानां मालाजालैः सुशोभितम्
कोटिशो रत्नकुंभाश्च रत्नपात्राणि नारद
नानाप्रकारवाद्यानां कलनादैर्निनादितम्
मोहितं वाद्यशब्दैश्च मृदंगानां च नारद ।।4.5.
राधासखीनां गोपीनां वृंदैर्वृंदैर्विराजितम्
एवमभ्यंतरं दृष्ट्वा बभूवुर्विस्मिताः सुराः।। । शुश्रुवुर्मधुरं गीतं ददृशुर्नृत्यमुत्तमम्
तत्र तस्थुः सुराः सर्वे ध्यानैकतानमानसाः
धनुःशतप्रमाणं च परितो वर्तुलाकृतिम्
चित्रपुत्तलिकापुष्पचित्रकाननभूषितम्
तेजोमुषं च सर्वेषां महाश्रमविवर्जितम्
दृष्ट्वा तेजःस्वरूपं च ते देवा ध्यानतत्पराः
परमानन्दसंयोगादश्रुपूर्णविलोचनाः
नत्वा तेजःस्वरूपं च तमीशं त्रिदशेश्वराः 4.5.
ध्यात्वैवं जगतां धाता बभूव संपुटांजलिः
भक्त्युद्रेकात्प्रतुष्टाव ध्यानैकतानमानसः
कारणं सर्वभूतानां तेजोरूपं नमाम्यहम्
मंगलं मंगलानां च मंगलं मंगलप्रदम्
स्थितं सर्वत्र निर्लिप्तमात्मरूपं परात्परम्
सगुणं निर्गुणं ब्रह्म ज्योतीरूपं सनातनम्
तमनिर्वचनीयं च व्यक्तमव्यक्तमेककम्
गुणत्रयविभागाय रूपत्रयधरं परम्
सर्वाधारं सर्वरूपं सर्वबीजमबीजकम्
लक्ष्यं षङ्गुणरूपं च वर्णनीयं विचक्षणैः 4.5.
अशरीरं विग्रहवदिंद्रियं यदतींद्रियम्
गमनार्हमपादं यदचक्षुः सर्वदर्शनम्
वेदे निरूपितं वस्तु सन्तः शक्ताश्च वर्णितुम्