एवं द्वारत्रयं दृष्ट्वा स्वप्ना ज्ञानाद्भुताश्रुतम्
तास्ताः संभाष्य देवास्ते विस्मिता ययुरीश्वराः
सर्वासां च प्रधानं च गोप्यं गोपांगनागणैः
तेषामनिर्वचनीयैर्नानागुणसमन्वितैः
रत्नकंकणकेयूरत्ननूपुरभूषितैः
रत्नकुंडलयुग्मेन गंडस्थलविराजितैः
शरत्पार्वणपद्मानां प्रभां मुष्णन्मुखेंदुभिः
पक्वबिंबाधरोष्ठैश्च स्मेराननसरोरुहैः 4.5.
चारुचंपकवर्णाभिर्मध्यस्थलकृशैर्मुने
खगेंद्रचारुचंचूनां शोभामुष्णाभिरेव च
पीनश्रोणिभरार्तैश्च मुकुंदपदमानसैः
लसद्रमणिरत्नैश्च वेदिकायुग्मशोभितम्
सिंदूराकारमणिभिर्मध्यस्थलविराजितैः
तत्संस्पर्शैर्गंधवाहैः सर्वत्र सुरभीकृतम्
श्रीकृष्णचरणांभोजदर्शनैकमनोरथाः
भक्त्युद्रेकादश्रुपूर्णाः किंचिन्नम्रात्मकंधराः
मंदिराणां च मध्यस्थं चतुःशालं मनोहरम्
नानारत्नमणिस्तंभैर्वज्रयुक्तैश्च भूषितम् 4.5.
मुक्तासमूहैर्माणिक्यैः श्वेतचामरदर्पणैः
पट्टसूत्रग्रंथियुक्तश्रीखंडपल्लवान्वितैः
चंदनागुरुकस्तूरीकुंकुमद्रवसंयुतम्
पर्णदूर्वाक्षतैर्लाजैर्निर्मंछनविभूषितैः
पारिजातप्रसूनानां मालायुक्तैर्विराजितम्
सर्वानिर्वचनीयं च यद्द्रव्यमनिरूपितम्
पारिजातप्रसूनानां मालाजालैः सुशोभितम्
कोटिशो रत्नकुंभाश्च रत्नपात्राणि नारद
नानाप्रकारवाद्यानां कलनादैर्निनादितम्
मोहितं वाद्यशब्दैश्च मृदंगानां च नारद ।।4.5.
राधासखीनां गोपीनां वृंदैर्वृंदैर्विराजितम्
एवमभ्यंतरं दृष्ट्वा बभूवुर्विस्मिताः सुराः।। । शुश्रुवुर्मधुरं गीतं ददृशुर्नृत्यमुत्तमम्