तं वेत्रपाणिं संभाष्य ययुर्देवा मुदाऽन्विताः
वज्रभित्तियुग्मयुक्ते पुष्पमाल्यविभूषिते
नानालंकारशोभाढ्यं दशलक्षप्रजान्वितम्
तूर्णं सुरास्तं सभाष्य ययुर्द्वारं च सप्तमम्
द्वारे नियुक्तं ददृशू रत्नभानुं हरेः प्रियम् भूषितं भूषणै रम्यैर्मणिरत्नमनोहरैः
गोपैर्द्वादशलक्षैश्च राजेंद्रमिव राजितम्
तं वेत्रहस्तं संभाष्य जग्मुर्देवेश्वरा मुदा
दौवारिकं ते ददृशुः सुपार्श्वं सुमनोहरम्
बन्धुजीवाधरोष्ठं च रत्नकुण्डलमंडितम् 4.5.
गोपैर्द्वादशलक्षैश्च किशोरैश्च समन्वितम्
वज्रसद्रत्नरचितं चतुर्वेदिसमन्वितम्
द्वारपालं च ददृशुः सुबलं ललिताकृतिम्
वज्रैर्द्वादशलक्षैश्च संयुक्तं सुमनोहरम्
विशिष्टं दशमं द्वारं दृष्ट्वा ते विस्मयं ययुः
ददृशुर्द्वारपालं च सुदामानं च सुन्दरम्
गोपविंशतिलक्षाणां समूहैः परिवारितम्
द्वारमेकादशाख्यं च सुचित्रं महदद्भुतम्
अमूल्यरत्नभूषाभिर्भूषितं सुमनोहरम् 4.5.
गण्डस्थलकपोलार्हसद्रत्नकुण्डलोज्ज्वलम्
प्रफुल्लमालतीमालाजालैः सर्वांगभूषितम्
तं संभाष्य ययुर्द्वारं द्वादशाख्यं सुरा मुदा
सर्वेषां दुर्लभं चित्रमदृश्यमश्रुतं मुने
द्वारे नियुक्ता ददृशुर्देवा गोपांगना वराः
पीतवस्त्रपरीधानाः कबरीभारभूषिताः
रत्नकंकणकेयूररत्ननूपुरभूषिताः
चन्दनागुरु कस्तूरीकुंकुमद्रवचर्चिताः
गोपीनां शतकोटीनां श्रेष्ठाः प्रेष्ठा हरेरपि
संभाष्य ता मुदा युक्ता ययुर्द्वारातरं मुने 4.5.
गोपांगनानां श्रेष्ठाश्च ददृशुः सुमनोहराः
सर्वाः सौभाग्ययुक्ताश्च राधिकायाः प्रियाश्च ताः