भवान्साधुर्महाभागः पुराणेषु पुराणवित्
श्रीकृष्णे निश्चला भक्तिर्यतो भवति शाश्वती
गरीयसी या साक्षाच्च कर्ममूलनिकृन्तनी
भवदावाग्निदग्धानां पीयूष वृष्टिवर्षिणी
यत्रादौ सर्वबीजं च परं ब्रह्मनिरूपणम्
साकारं वा निराकारं परमात्मस्वरूपकम्
ध्यायन्ते वैष्णवाः किंवा शान्ताश्च योगिनस्तथा
प्रकृतेश्च य आकारो यत्र वत्सनिरूपितः
गोलोकवर्णनं यत्र यत्र वैकुण्ठवर्णनम्
अंशानां च कलानां च यत्र सौते निरूपणम् 1.1.
निगूढं जन्म येषां वा देवानां देवयोषिताम्
के वांऽशाः प्रकृतेश्चापि कलाः का वा कलाकलाः
दुर्गा सरस्वती लक्ष्मी सावित्रीणाञ्च वर्णनम्
जीवकर्मविपाकश्च नरकाणाञ्च वर्णनम्
येषाञ्च जीविनां यद्यत्स्थानं यत्र शुभाशुभम्
जीविनां कर्मणो यस्माद्योयो रोगो भवेदिह
मनसा तुलसी काली गङ्गा पृध्वी वसुन्धरा
शालिग्रामशिलानाञ्च दानानाञ्च निरूपणम्
गणेश्वरस्य चरितं यत्र तज्जन्म कर्म च
यदपूर्वमुपाख्यानमश्रुतं परमाद्भुतम् 1.1.
यत्र जन्म भ्रमो विश्वे पुण्यक्षेत्रे च भारते
जन्म कस्य गृहे लब्धं पुण्ये पुण्यवतो मुने
आविर्भूय च तद्गेहात्क्वागतः केन हेतुना
भारावतरणं केन प्रार्थितो गोश्चकार सः
इतीदमन्यदाख्यानं पुराणं श्रुतिदुर्लभम्
स्वज्ञानाद्यन्मया पृष्टमपृष्टं वा शुभाशुभम्
शिष्यपृष्टमपृष्टं वा व्याख्यानं कुरुते च यः
सौतिरुवाच सिद्धक्षेत्रादागतोऽहं यामि नारायणाश्रमम्
दृष्ट्वा विप्रसमूहं च नमस्कर्तुमिहागतः
देवं विप्रं गुरुं दृष्ट्वा न नमेद्यस्तु संभ्रमात् 1.1.