तस्मात्परतरं भूतं ब्रह्मणो यन्न विद्यते
संख्यातस्तु परो ब्रह्मा तस्यार्द्धस्य परार्द्धता
संख्येयं संख्यया दृष्टमपरार्द्धाद्विभाष्यते
आनन्त्यं सिकता द्येषु हृष्टं चान्यं त्वलक्षणम्
एवं ज्ञानप्रतिष्ठत्वात्सर्वं ब्रह्मानुपश्यति
बाष्पपर्याकुलाक्षास्तु प्रहर्षाद्गद्गदस्वराः
ब्रह्मलोकस्तु भगवन्यावन्मात्रान्तरे प्रभो
क्रोशस्य च परीमाणं श्रोतुमीच्छाम तत्त्वतः
उवाच मधुरं वाक्यं यथादृष्टं यथाक्रमम्
अव्यक्ताद्व्यक्तभागो वै महान्स्थूलो विभाष्यते
दशभागाधिकं चापि भूतादिपरिमाणकम्
यदभेद्यतमं लोके विज्ञेयं परमाणुवत्
प्रथमं तत्प्रमाणानां परमाणुं प्रचक्षते
त्रसरेणुः समाख्यातस्तत्पद्मरज उच्यते
ते ऽप्यष्टौ समवायस्था बालाग्रं तत्स्मृतं बुधैः
यूकाष्टकं यवप्राहुरङ्गुलं तु यवाष्टकम्
रत्निश्चागुलिपर्वाणि विज्ञेयो ह्येकविंशतिः
किष्कुर्द्विरत्निर्विज्ञेयो द्विचत्वारिंशदङ्गुलः
एतद्गव्यूतिसंख्यायामादानं धनुषः स्मृतम्
धनुषां त्रिशतं नल्वमाहुः संख्याविदो जनाः
अष्टौ धनुः सहस्राणि योजनं तु विधीयते
एतत्सहस्रं विज्ञेयं शक्रकोशान्तरं तथा
एतेन योजनाग्रेण शृणुध्वं ब्रह्मणोंऽतरे
दिवाकरात्सहस्रे तु शते चौर्द्ध्वं निशाकरः
नक्षत्रमण्डलं कृत्स्नमुपरिष्टात्प्रकाशत
ग्रहान्तरमथैकैकमूर्द्ध्वं नक्षत्रमण्डरात्
तस्योर्द्ध्वं चरते शुक्रस्तस्मादूर्द्ध्वं च लोहितः
उर्द्ध्वं शतसहस्रं तु योजनानां शनैश्चरात्
ऋषिभ्यस्तु सहस्राणां शतादूर्द्ध्वं विभाष्यते
उत्तानपादपुत्रो ऽसौ मेढीभूतो ध्रुवो दिवि