सर्वभूतपिशाचाश्च नागाश्च सह मानुषैः
मरुतो मातरिश्वानो रुद्रा देवास्तथाश्विनौ
आदित्या ऋभवो विश्वे साध्याश्च पितरस्तथा
एते वैमानिका देवास्ताराग्रहनिवासिनः
शुक्राद्याश्चक्षुषान्ताश्च ये व्यतीता भुवं श्रिताः
इत्येते क्रमशः प्रोक्ता ब्रह्मव्याहारसंभवाः
तान्सर्वान्सप्तसूर्यास्ते अर्चिभिर्निर्दहन्ति वै
भृगुः पुलस्त्यः पुलहः क्रतुरित्येवमादयः
निःसत्त्वा निर्ममाश्चैव तत्र ते ह्यूर्द्वरेतसः
मन्वन्तराणां सर्वेषां सावर्णानां ततः स्मृताः
योगं तपश्च सत्त्वं च समाधाय तदात्मनि
सत्यस्तु सप्तमो लोको ह्यपुनर्मार्गगामिनाम्
पर्यासपरिमाणेन भूर्लोकः समभिस्मृतः
सूर्यध्रुवान्तरं यच्च स्वर्गलोको दिवः स्मृतः
व्याख्याताः सप्तलोकास्तु तेषां वक्ष्यामि सिद्धयः
भुवि स्वर्गे च ये सर्वे सोमपा आज्यपाश्च ते
विज्ञेया मानसी तेषां सिद्धिर्वै पञ्चलक्षणा
एते देवा यजन्ते वै यज्ञैः सर्वैः परस्परम्
प्रथमानन्तरोद्दिष्टा अन्तराः सांप्रतैः पुनः
विनिवृत्ताधिकाराणां सिद्धस्तेषां तु मानसी
समासेन मया विप्रा भूयस्तं वर्त्तयामि वः
मरीचिः कश्यपो दक्षो वसिष्ठश्चाङ्गिरा भृगुः
पूर्वं ते संप्रसूयन्ते ब्रह्मणो मानसा इह
कल्पदाहेषु तु सदा तथा कालेषु तेषु वै
शिखाः संवर्त्तकाग्नेर्याः प्राप्नुवन्ति सवासनाः
महर्लोकेषु दीप्तेषु जनमेवाश्रयन्ति ते
तेषां ते तुल्यसामर्थ्या स्तुल्यमूर्त्तिधरास्तथा
व्युष्टायां तु रजन्यां वै ब्रह्मणो ऽव्यक्तयोनितः
स्वायंभुवादयः सर्वे मरीच्यन्तास्तु साधकाः
यामादयः क्रमेणैव कनिष्ठाद्याः प्रजापतेः