एवं ते समयं कृत्वा सर्वेषां जगृहः सुतान्
रुचेः प्रजापतेः पुत्रो रौच्यो नामाभवत्सुतः
वैवस्वतेंऽतरे जातौ द्वौ मनू तु विवस्वतः
ज्ञेयः संज्ञासुतो विद्वान्मनुर्वैवस्वतः प्रभुः
सावर्णम नवो ये च चत्वारस्तु महर्षिजाः
भविष्येषु भविष्यन्ति सर्वकार्यार्थसाधकाः
संभूताश्च महात्मानः सर्वे वैवस्वतेन्तरे
भविष्यन्ति भविष्यास्तु एकैको द्वादशो गणः
पारा द्वादश विज्ञेया उत्तरांस्तु निबोधत
दधिक्रावा विपक्वश्च प्रणीतो विजयो मधुः
सुधर्माणस्तु वक्ष्यामि नामतस्तान्निबोधत
अमितो द्रवकेतुश्च जंभो ऽथाजस्तु शक्रकः
तेषामिन्द्रस्तदा भाव्यो ह्यद्भुतो नाम नामतः
मेधातिथिश्च पौलस्त्यो वसुः काश्यप एवं च
वसिनश्चैव वासिष्ठ आत्रेयो हव्यवाहनः
धृतिकेतुर्दीप्तिकेतुः शापहस्तनिरामयाः
प्रथमस्य तु सावर्णेर्नव पुत्राः प्रकीर्तिताः
द्वीतीयस्य तु सावर्णेर्भाव्यस्यैवान्तरे मनोः
दीप्तिमन्तश्च ते सर्वे शतसंख्याश्च ते समाः
देवास्ते वै भविष्यन्ति धर्मपुत्रस्य वै मनोः
हविष्मान्पौलहः श्रीमान्सुकीर्तिश्चाथ भार्गवः
पौलस्त्यो ऽप्रतिमश्चापि नाभागश्चैव काश्यपः
सुक्षेत्रश्चोत्तमौजाश्च भूरिसेनश्च वीर्यवान्
भूरिद्युम्नः सुवर्चाश्च दशैतेमानवाः स्मृताः
निर्वाणरतयो देवाः कामगा वै मनोजवाः
एकैकस्त्रिंशतस्तेषां गणस्तु त्रिदिवौकसाम्
निर्वाणरतयो देवा रात्रयस्तु विहङ्गमाः
मनोजवा मूरूर्त्तास्तु इति देवाः प्रकीर्तिताः
तेषामिद्रो वृषा नाम भविष्यः सुरराट् ततः
हविष्मान्काश्यपश्चापि वपुष्मांश्चैव भार्गवः