चतुर्दशैते मनवः कीर्तिता कीर्तिवर्द्धनाः
प्रजानां पतयः सर्वे भूतानां पतयः स्थिताः
पूर्णं युगसहस्रं वै परिपाल्या नरेश्वरैः
चतुर्द्दशैते विज्ञेयाः सर्गाः स्वायंभुवादयः
विनिवृत्ताधिकारास्ते महार्लोकं समाश्रिताः
पूर्वेषु सांप्रतश्चायं शास्ति वैवस्वतः प्रभुः
सह प्रजा निसर्गेण सर्वांस्ते ऽनागतान्द्विजः
अनूना नातिरिक्तास्ते यस्मात्मर्वे विवस्वतः
मन्वन्तरेषु भाव्येषु भूतेष्वपि तथैव च
तेषामेव हि सिद्ध्यर्थं विस्तरेण क्रमेण च
सर्वकन्यावरिष्ठा तु ज्येष्ठा या वीरिणीसुता
वैराजस्थमुपासीनं धर्मेण च भवेन च
दक्ष कन्या तवेयं वै जनयिष्यति सुव्रता
ब्रह्मणो वचनं श्रुत्वा दक्षो धर्मो भवस्तदा
सत्याभिध्यायिनां तेषां सद्यः कन्या व्यजायत
संसिद्धाः कार्यकरणे संभूतास्ते श्रियान्विताः
ते दृष्ट्वा तान्स्वयंभूतान्ब्रह्मव्याहारिणस्तदा
अभिध्यायात्मनोत्पन्नानूचुर्वै ते परस्परम्
यस्य यः सदृशश्चापि रूपे वीर्ये च मानतः
ध्रुवं रूपं पितुः पुत्रः सो ऽनुरुध्यति सर्वदा
एवं ते समयं कृत्वा सर्वेषां जगृहः सुतान्
रुचेः प्रजापतेः पुत्रो रौच्यो नामाभवत्सुतः
वैवस्वतेंऽतरे जातौ द्वौ मनू तु विवस्वतः
ज्ञेयः संज्ञासुतो विद्वान्मनुर्वैवस्वतः प्रभुः
सावर्णम नवो ये च चत्वारस्तु महर्षिजाः
भविष्येषु भविष्यन्ति सर्वकार्यार्थसाधकाः
संभूताश्च महात्मानः सर्वे वैवस्वतेन्तरे
भविष्यन्ति भविष्यास्तु एकैको द्वादशो गणः
पारा द्वादश विज्ञेया उत्तरांस्तु निबोधत
दधिक्रावा विपक्वश्च प्रणीतो विजयो मधुः