विस्तरेणानुपूर्व्या च किं भूयो वर्णयाम्यहम्
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे वंशानुवर्णनं नाम चतुःसप्ततितमो ऽध्यायः
ततश्चतुर्थं पप्रच्छुः पादं वै ऋषिसत्तमाः
चतुर्थं विस्तरात्पादं संहारं पारिकीर्त्तय
सप्तर्षीणामथैतेषां सांप्रतस्यान्तरे मनोः
विस्तरेणानुपूर्व्या च सर्वमेव ब्रवीहि नः
पादं त्विमं ससंहारं चतुर्थं मुनिसत्तमाः
विस्तरेणानुपूर्व्या च निसर्गं शृणुत द्विजाः
प्रलयं चैव लोकानां ब्रुवतो मे निबोधत
मन्वन्तराणि संक्षेपाच्छृणुता नागतानि मे
भविष्यस्य भविष्यं तु समासात्तन्निबोधत
कौशिको गालवश्चैव जामदग्न्यश्च भार्गवः
आत्रेयो दीप्तिमांश्चैव ऋषयशृङ्गस्तु काश्यपः
सुतपाश्चामिताभाश्च सुखाश्चैव गणास्त्रयः
नामतस्तु प्रवक्ष्यामि निबोधध्वं समाहिताः
प्रभासो मासकृद्धर्मस्तेजोरश्मिः क्रतुर्विराट्
अर्चिष्मान् द्योतनो भानुर्यशः कीर्त्तिर्बुधो धृतिः
प्रभुर्विभुर्विभासश्च जेता हन्ता रिहा ऋतुः
देही मुनिरिनः पोष्टा समः सत्यश्च विश्रुतः
दामो दानी ऋतः सोमो वित्तं वैद्यो यमो निधिः
ध्रुवं स्थानं विधानं च नियमश्चेति विंशतिः
मारीचस्यैव ते पुत्राः कश्यपस्य महात्मनः
सावर्णस्य मनोः पुत्रा भविष्यन्ति नवैव तु
नव चान्येषु वक्ष्यामि सावर्णेष्वन्तरेषु वै
मेरुसावर्णितस्ते वै चत्वारो दिव्यदृष्टयः
महता तपसा युक्ता मेरुपृष्ठे महौ जसः
महर्लोकं गता वृत्ता भविष्या मेरुमाश्रिताः
जज्ञिरे मनवस्ते हि भविष्यानागतान्तरे
सावर्णा नामतः पञ्च चत्वारः परमर्षिजाः
ज्येष्ठः संज्ञासुतो नाम मुर्वैवस्वतः प्रभुः