शिशुनागश्च वर्षाणि चत्वारिंशद्भविष्यति
ततस्तु विंशतिं राजा क्षेमधर्मा भवष्यति
अष्टत्रिंशत्समा राजाविधिसारो भविष्यति
पञ्चत्रिंशत्समा राजा दर्भकस्तु भविष्यति
स वै पुरवरं राजा वृथिव्यां कुसुमाह्वयम्
चत्वारिशत्समा भाव्यो राजा वै नन्दिवर्द्धनः
भविष्यन्ति च वर्षाणि षष्ट्युत्तरशतत्रयम्
एतैः सार्द्धं भविष्यन्ति तावत्कालं नृपाः परे
कालकास्तु चतुर्विंशच्चतुर्विंशत्तु हैहयाः
कुरवश्चापि षट्त्रिंशदष्टाविंशति मैथिलाः
तुल्यकालं भविष्यन्ति सर्वं एव महीक्षितः
उत्पत्स्यते महा पद्मः सर्वक्षत्रान्तकृन्नृपः
एकराट् स महापद्म एकच्चत्रो भविष्यति
सर्वक्षत्रं समुद्धृत्य भाविनोर्ऽथस्य वै बलात्
महापद्मस्य पर्याये भविष्यन्ति नृपाः क्रमात्
भुक्त्वा महीं वर्षशतं नरेद्रः स भविष्यति
चतुर्विंशत्समा राजा चन्द्रगुप्तो भविष्यति
षट्त्रिंशत्तु समा राजा अशोकानां च तृप्तिदः
कुशालसूनुरष्टौ च भोक्ता वै बन्धुपालितः
भविता सप्त वर्षाणि देववर्मा नराधिपः
बृहद्रथश्च वर्षाणि सप्त वै भविता नृपः
सप्तत्रिंशच्छतं पूर्णं तेभ्यः शुङ्गो गमिष्यति
कारयिष्यति वै राज्यं समाः षष्टिं स चैव तु
भविता चापि सुज्येष्टः सप्त वर्षाणि वै ततः
ततो भद्रः समे द्वे तु भविष्यति नृपश्च वै
राजा घोषस्ततश्चापि वर्षाणि भविता त्रयः
द्वात्रिंशद्भविता वापि समा भागवतो नृपः
दशैते शुङ्गराजानो भोक्ष्यन्तीमां वसुंधराम्
अमात्यो वसुदेवस्तु बाल्याद्व्यसनिनं नृपम्
भविष्यति समा राजा पञ्च कण्वायनस्तु सः