दध्ना लवणमिश्रेण स्वभ्यक्तं नग्नकं तथा
ततस्त्वं प्राप्स्यसे देवि पुत्रांश्च मनसेप्सितान्
अपानं च समासाद्य जुगुप्संती ह्यवर्जयत्
विनापानं कुमारं त्वं जनयिष्यसि पूर्वजम्
नार्हसि त्वं महाभाग पुत्रं दातुं ममेदृशम्
देवीदृशं च ते पौत्रमहं दास्यामि सुप्रते
तां स दीर्घतमाश्चैव कुक्षौ स्पृष्ट्वदमब्रवीत्
तेन ते पूरितो गर्भः पौर्णमास्यामिवोदधिः
तेजस्विनः पराक्रान्ता यज्वानो धार्मिकास्तथा
वङ्गस्तस्मात्कलिङ्गस्तु पुण्ड्रः सुह्मस्तथैव च
इत्येते दीर्घतमसा बलेर्दत्ताः सुताः पुरा
अपत्यमस्य दारेषु स्वेषु माभून्महात्मनः
सुरभिर्दीर्घत मसमथ प्रीतो वचो ऽब्रवीत्
भक्त्या चानन्ययास्मासु मुने प्रीतास्मि तेन ते
बार्हस्पत्यं च यत्ते ऽन्यत्पापं संतिष्ठते तनौ
आघ्रातमात्रो ऽसा पश्यत्सद्यस्तमसि नाशिते
गवा हृततमाः सो ऽथ गौतमः समपद्यत
यथोद्दिष्टं हि पित्राथ चचार विपुलं तपः
विधूय सानुजो दोषान्ब्राह्मण्यं प्राप्तवान्प्रभुः
सुपुत्रेण त्वया तात कृतार्थश्च यशस्विना
ब्राह्मण्यं प्राप्य कक्षीवान्सहस्रमसृजत्सुतान्
इत्येष दीर्घतमसो बलेर्वैरोचनस्य वै
बलिस्तानभिषिच्येह पञ्च पुत्रानकल्मषान्
अदृश्यः सर्वभूतानां कालाकाक्षी चरत्युत
सो ऽपराधात्सुदेष्णाया अनपानो ऽभवन्नृपः
पुत्रो दिविरथस्यासीद्विद्वान्धर्मरथो नृपः
बृहद्बलान्वये जाता महावीर्यपराक्रमाः
अत्रानुवंशश्लोको ऽयं भविष्यज्ज्ञैरुदाहृतः
सुमित्रं प्राप्य राजानं संस्थां प्राप्स्यति वै कलौ
अत ऊर्ध्वं प्रवक्ष्यामि मगधो यो बृहद्रथः