ततः स वै तदा कल्किश्चरितार्थः ससैनिकः
अकस्मात्कुपितान्योन्यं भविष्यन्ति च मोहिताः
गङ्गायमुनयोर्मध्ये निष्ठां प्राप्स्यति सानुगः
नृपेष्वथ विनिष्टेषु तदा त्वप्रग्रहाः प्रजाः
परस्परत्दृतस्वाश्च निरानन्दाः सुदुःखिताः
प्रनष्टश्रुतिधर्माश्चनष्टधर्माश्रमास्तथा
सरित्पर्वतसेविन्यः पत्रमूलफलाशनाः
अल्पायुषो नष्टवार्ता बह्वाबाधाः सुदुःखिताः
प्रजाः क्षयं प्रयास्यन्ति सार्द्धं कलियुगेन तु
प्रपत्स्यन्ते यथान्यायं स्वभावादेव नान्यथा
यदुवंशप्रसंगेन महद्वो वैष्मवं यशः
तुर्वसोस्तु प्रवक्ष्यामि पूरोर्द्रुह्योरनोस्तथा
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे विष्णुमाहात्म्यवर्णनं नाम त्रिसप्ततितमो ऽध्यायः
गोभानोस्तु सुतो वीर स्त्रिसानुरपाजितः
अन्यस्त्वाविज्ञितो राजा मरुत्तः कथितः पुरा
दुष्कन्तं पौरवं चापि स वै पुत्रमकल्पयत्
तुर्वसोः पौरवं वंशं प्रविवेश पुरा किल
सरूप्यात्तु तथाण्डीरश्चत्वारस्तस्य चात्मजाः
तेषां जनपदाः कुल्याः पाण्ड्याश्चोलाः सकेरलाः
अरुद्धः सेतुपुत्रस्तु बाब्रवो रिपुरुच्यते
युद्धं सुमहदासीत्तु मासान्परिचतुर्दश
ख्यायते यस्य नाम्ना तु गान्धारविषयो महान्
गान्धारपुत्रो धर्मस्तु धृतस्तस्य सुतो ऽभवत्
प्रचेतसः पुत्रशतं राजानः सर्व एव ते
अनोश्चैव सुता वीरास्त्रयः परमधार्मिकाः
सभानरस्य पुत्रस्तु विद्वान्कालानलो नृपः
सृंजयस्याभवत्पुत्रो वीरो नाम्ना पुरञ्जयः
महामनाः सुतस्तस्य महाशालस्य धार्मिकः
महामनास्तु द्वौ पुत्रौ जनयामास विश्रुतौ
उशीनरस्य पत्न्यस्तु पञ्च राजर्षिवंशजाः