स पञ्चधा शरीरस्थो विद्यते वर्द्धयेत्पुनः
प्राणो ऽस्य परमात्मानं वर्द्धयन्परिवर्त्तते
व्यानो व्यानीयते येन समानः सर्वसंधिषु
पृथिवी वायुराकाशमापो ज्योतिश्च पञ्चमम्
पार्थिवं देहमाहुस्तु प्राणात्मानं च मारुतम्
ज्योतिश्चक्षुषि कोष्ठो ऽस्मात्तेषां यन्नामतः स्मृतम्
इत्येतान्पुरुषः सर्वान्सृजत्येकः सनातनः
एष नः संशयो धीमन्नेष वै विस्मयो महान्
श्रोतुमिच्छामहे विष्णोः कर्माणि च यथाक्रमम्
विष्णोरुत्पत्तिमाश्चय कथयस्व महामते
कर्मणाश्चर्यभूतस्य विष्णोः सत्त्वमिहोच्यते
अहं वः कीर्त्तयिष्यामि प्रादुर्भावं महात्मनः
भृगुस्त्रीवधदोषेण भृगुशापेन मानुषे
तस्य दिव्यां तनुं विष्णोर्गदतो मे निबोधत
भृगोः शापनिमित्तेन देवासुरकृतेन च
एतद्वेदितुमिच्छामो वृत्तं देवासुरं कथम्
देवासुरं यथावृत्तं ब्रुवतस्तन्निबोधत
बलिनाधिष्ठितं राज्यं पुनर्लोकत्रये क्रमात्
युगाख्या दश संपूर्णा ह्यासीदव्याहतं जगत्
बद्धे बलौ विवादो ऽथ संप्रवृत्तः सुदारुणः
तेषां द्वीपनिमित्तं वै संग्रामा बहवो ऽभवेन्
नामतस्तु समासेन शृणुध्वं तान्विवक्षतः
तृतीयः स तु वाराहश्चतुर्थो ऽमृतमन्थनः
षष्ठो ह्याडीबकस्तेषां सप्तमस्त्रैपुरः स्मृतः
वार्त्रश्च दशमो घोरस्ततो हालाहलः स्मृतः
हिरण्यकशिपुर्दैत्यो नरसिंहेन सूदितः
हिरण्याक्षो हतो द्वन्द्वे प्रतिवादे च दैवते
दंष्ट्रया तु वराहेण स दैत्यस्तु द्विधाकृतः
विरोचनस्तु प्राह्लादिर्नित्यमिन्द्रवधोद्यतः
भवादवध्यतां प्राप्य विशेषास्त्रादिभिस्तु यः