जरो ऽधकस्ताम्रचक्रौ सौभरिश्च जरेधरः
भानुः सौभरिका चैव ताम्रपर्णी जरन्धरः
भद्रश्च भद्रगुप्तश्च भद्रचित्रस्तथैव च
संबोधनी च विख्याता ज्ञेया जांबवतीसुताः
एते पुत्राः सुदेव्यां च विष्वक्सेनस्य कीर्त्तिताः
मित्रबाहुः सुनीथश्च नाग्नजित्या प्रजास्त्विह
प्रयुतं तु समाख्यातं वासुदेवस्य ये सुताः
जनार्दनस्य वंशो वः कीर्तितो ऽयं यथातथम्
कन्या सा बृहदुक्थस्य शैनेयस्य महात्मनः
आनन्दः कनकः श्वेतः कन्या श्वेता तथैव च
चित्रसेनः स्मृतश्चास्य कन्या चित्रवती तथा
उपासंगसुतौ द्वौ तु वज्रारः क्षिप्र एव च
युधिष्टिरस्य कन्यायां सुधनुस्तस्य चात्मजः
सत्यप्रकृतयो देवाः पञ्च वीराः प्रकीर्त्तिताः
सर्वमेव कुलं यच्च वर्त्तन्ते चैव ये कुले
निदेशस्थायिभिस्तस्य बध्यन्ते सुरमानुषाः
इहोत्पन्ना मनुष्येषु बाधन्ते ते तु मानवान्
समुत्पन्नं कुलशतं यादवानां महात्मनाम्
कीर्त्तिता कीर्त्तनीया स कीर्त्तिसिद्धिमभीप्सता
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपदे वृष्णिवंशानुकीर्त्तनं नामैकसप्ततितमो ऽध्यायः
संकर्षणो वासुदेवः प्रद्युम्नः सांब एव च
सप्तर्ष्यः कुबेरश्च यज्ञे मणिवरस्तथा
आदिदेव स्तदा विष्णुरेभिश्च सह दैवतैः
भविष्याः कति चान्ये च प्रादुर्भावा महात्मनः
पुनः पुनर्मनुष्येषु तन्नः प्रब्रूहि पृच्छताम्
विस्तरेणैव सर्वाणि कर्माणि रिपुघातिनः
कर्मणामानुपूर्वीं च प्रादुर्भावाश्च ये प्रभो
कथं स भगवान्विष्णुः सुरेष्वरिनिषूदनः
अमरैरावृतं पुण्यं पुण्यकृद्भिरलङ्कृतम्
देवमानुषयोर्नेता धातुर्यः प्रसवो हरिः