युगसंख्याप्रमाणं च कीर्त्यते च कृतं युगम्
वर्णानामाश्रमाणां च संस्थितिर्धर्मतस्तथा
शब्दत्वं च प्रधानात्तु स्वायम्भुवमृते मनुम्
द्वापरस्य कलेश्चापि संक्षेपेण प्रकीर्त्तनम्
मन्वन्तराणां सर्वेषामेतदेव च लक्षणम्
तथा मन्वन्तराणां च प्रतिसंधानलक्षणम्
ऋषीणां च गतिः प्रोक्ता कालज्ञानगतिस्तथा
त्रेतायां चक्रवर्तीनां लक्षणं जन्म चैव हि
अङ्गुलैर्हासनं चैव भूतानां यच्च चोच्यते
वाक्यं सप्तविधं चैव ऋषिगोत्रानुकीर्तनम्
देदानां व्यसनं चैव वेदव्यासैर्महात्मभिः
मन्वन्तरक्रमश्चैव कालज्ञानं च कीर्त्यते
ब्रह्मादिभिस्तेजनिता दक्षेणैव च धीमता
ध्रुवस्यौत्तानपादस्य प्रजासर्गोपवर्णनम्
प्रभुणा चैव वैन्येन भूमिदोहप्रवर्तता
ब्रह्मादिभिः पूर्वमेव दुग्धा चैयं वसुंधरा
दक्षस्य कीर्त्यत जन्म समस्यांशेन धीमतः
मन्वादिका भविष्यन्ति आख्यानैबर्हुभिर्वृताः
ब्रह्मादिकोश उत्पत्तिर्भृग्वदीनां च कीर्त्यते
दक्षस्य कीर्त्यते सर्गो ध्यानाद्वैवस्वतान्तरे
नाशयामास शापाय मानसो ब्रह्मणः सुतः
मरुत्प्रवाहे मरुतो दित्यां देव्यां च संभवः
देवत्वमिन्द्रवासेन वायुस्कन्धेषु चाश्रमः
सर्वभूतपिशाचानां यक्षणां पक्षिवीरुधाम्
मार्तण्डमण्डलं कृत्स्नं जन्मैरावतहस्तिनः
भृगूणां विस्तरश्चोक्तस्तथा चाङ्गिरसामपि
पराशरस्य च मुनेः प्रजानां यत्र विस्तरः
इच्छाया विस्तरश्चोक्त आदित्यस्य ततः परम्
बृहद्बलानां संक्षेपादिक्ष्वाक्वाद्याः प्रकीर्त्तिताः
कीर्त्यते विस्तरात्सर्गे ययातेरपि भूपतेः