चेकितानबृहत्क्षत्रौ तथैवान्यौ महाबलौ
श्रुतश्रवायां चैद्यस्तु शिशुपालो बभूव ह
यः पुरा सदशग्रीवः संबभूवारिमर्दनः
वैश्रवाणानुजस्तस्य कुंभकर्णो ऽनुजस्तथा पत्न्यस्तु वसुदेवस्य त्रयोदश वराङ्गनाः
तथैव भद्रवैशाखी सुनाम्नी पञ्चमी तथा
धृतदेवोपदेवा च देवकी सप्तमी तथा
रोहिणी पौरवी चैव बाह्लीकस्यानुजाभवत्
ज्येष्ठे लेभे सुतं रामं सारणं हि शठं तथा
चित्रां नाम कुमारीं च रोहिण्यष्टौ व्यजायत
पार्श्वी च पार्श्वमर्दी च शिशुः सत्यधृतिस्तथा
शुल्कगुल्मो ऽतिगुल्मश्च दरिद्रान्तक एव च
अर्चिष्मती सुनन्दा च सुरसा सुवचास्तथा
भद्राश्वो भद्रगुप्तिश्च भद्रविष्टस्तथैव च
सुपार्श्वकः कीर्त्तिमांश्च रोहिताश्वः शठात्मजाः
नन्दोपनन्दौ मित्रश्च कुक्षिमित्रस्तथा बलः
मदिरायाः सुता एते वसुदेवाद्धिजज्ञिरे
चत्वार एते विख्याता भद्रापुत्रा महाबलाः
देवक्यां जज्ञिरे सौरेः सुषेणः कीर्त्तिमानपि
षष्ठो हि भद्रदेवश्च कंसः सर्वाञ्जघान तान्
लोकनाथः पुनर्विष्णुः पूर्वं कृष्णः प्रजापतिः
कृष्णा सुभद्रेति पुनर्व्याख्याता वृष्णिनन्दिनी
वसुदेवस्य भार्यासु महाभागासु सप्तसु
पूर्वाद्याः सहदेवायां शूराद्वै जज्ञिरे सुताः
आगावहो महात्मा च वृकदेव्या मजायत
उपासंगं वसुं चापि तनयौ देवरक्षिता
विजयं रोचनं चैव वर्द्धमानं च देवलम्
सप्तमी देवकी पुत्रं सुनामानमसूयत
श्राद्धदेव्यां पुरोद्याने वने तु विचरन्द्विजाः
सुगन्धी वनराजी च शौरेरास्तां परिग्रहौ
तयो राजाभवत्पुण्ड्रः कपिलस्तु वनं ययौ