अयातयामान् सृजतं रुद्रमेतान्सुरोत्तमान्
न स्रष्टव्यात्मन स्तल्या प्रजा नैवाधिका तथा
नारभन्ते हि कर्माणि प्रजा विगतमृत्यवः
प्रजाः स्रक्ष्यामि भद्रं ते स्थितो ऽहं त्वं सृज प्रभो
सहस्रं हि सहस्राणामात्मनो मम निःसृताः
पृथिव्यामन्तरिक्षे च रुद्राण्यस्ताः परिश्रुताः
यज्ञभाजो भविष्यन्ति सर्वे देवगणैः सह
तैः सार्द्धमिज्यमानास्ते स्थास्यन्तीहायुगक्षयात्
प्रत्युवाच तथा भीमं त्दृष्यमाणः प्रजापतिः
ब्रह्मणा समनु ज्ञाते ततः सर्वमभूत्किल
ऊर्ध्वरेताः स्थितः स्थाणुर्यावदाभूतसंप्लवम्
ज्ञानं तपश्च सत्यं च ह्यैश्वर्यं धर्म एव च
सर्वान्देवानृषींश्चैव समेतानसुरैः सह
अत्येति देवा नैश्वर्याद्वलेन च महासुरान्
प्रजामनु द्यामां सृष्ट्वा सर्गादुपरराम ह
महादेवस्य रुद्रस्य साधकैरृषिभिः सह
विस्तरेण प्रवक्ष्यामि नामानि तनुभिः सह
कल्पेष्वन्येष्वतीतेषु ह्यस्मिन्कल्पे तु ताञ्शृणु
प्रादुरा सीत्ततोङ्के ऽस्य कुमारो नीललोहितः
दृष्ट्वा रुदन्तं सहसा कुमारं नीललोहितम्
सो ऽब्रवीद्देहि मे नाम प्रथमं त्वं पितामह
किं रोदिषि कुमारेति ब्रह्मा तं प्रत्यभाषत
भवस्त्वं देवनाम्नासि इत्युक्तः सो ऽरुदत्पुनः
तृतीयं देहि मे नाम इत्युक्तः सो ऽब्रवीत्पुनः
किं रोदिषीति तं ब्रह्मा रुदन्तं प्रत्युवाच ह
ईशानो देवनाम्नासि इत्युक्तः सो ऽरुदत्पुनः
पञ्चमं नाम देहीति प्रत्युवाच स्वयंभुवम्
किं रोदिषीति तं ब्रह्मा रुदन्तं पुनरब्रवीत्
भीमस्त्वं देव नाम्नासि इत्युक्तः सो ऽरुदत्पुनः
सप्तमं देहि मे नाम इत्युक्तः प्रत्युवाच ह