राजासौ नाम जनको जनकाच्चा प्युदावसुः
नन्दिवर्धनतः शूरः सुकेतुर्नाम धार्मिकः
देवरातस्य धर्मात्मा बृहदुक्थ इति श्रुतः
महावीर्यस्य धृतिमान् सुधृति स्तस्य चात्मजः
धृष्टकेतुसुतश्चापि हर्यश्वो नाम विश्रुतः
प्रतिंबकस्य धर्मात्मा राजा कीर्त्तिरथः स्मृतः
देवमीढस्य विबुधो विबुधस्य महाधृतिः
कीर्तिरातात्मजो विद्वान् महारोमेति विश्रुतः
स्वर्णरोमात्मजश्चापि ह्रस्वरोमाभवन्नृपः
उद्भिन्ना कर्षता येन सीता राज्ञा यशस्विनी
कथं सीता समुत्पन्न कृष्यमाण यशस्विनी
अग्निक्षेत्रे कृष्यमाणे अश्वमेधे महात्मनः
सीरध्वजानुजातस्तु भानुमान्नाम मैथिलः
तस्य भानुमतः पुत्रः प्रद्युम्नश्च पतापवान्
ऊर्जवहात्सनद्वाजः शकुनिस्तस्य चात्मजः
सुतोपस्तस्य दायादः सुश्रुतस्तस्य चात्मजः
विजयस्य क्रतुः पुत्र- क्रतोश्च सुनयः स्मतः
धृतेस्तु बहुलाश्वो ऽभूद्बहुलाश्वसुतः कृतिः
इत्येते मैथिलाः प्रोक्ताः सोमस्यापि निबोधत
एति श्रीब्रह्माण्डे महापुराणे वायुप्रोक्ते मध्यमभागे तृतीये उपोद्धातपादे निमिवंशानुकीर्तनं नाम चतुःषष्टितमो ऽध्यायः
तत्रात्रिः सर्वलोकानां तस्थौ स्वेनौजसा वृतः
काष्ठकुड्यशिलाभूत ऊर्द्ध्वबाहुर्महाद्युतिः
त्रीणि वर्षसहस्राणि दिव्यानीति हि नः श्रुतम्
सोमत्वं तनुरापेदे महाबुद्धिः स वै द्विजः
नेत्राभ्या मस्रवत्सोमो दशधा द्योतयन् दिशः
समेत्य धारयामासुर्न च ताः समशक्नुवन्
पपात भासयंल्लोकाञ्छीतांशुः सर्वभावनः
ततः सहाभिः शीतांशुर्निपपात वसुंधराम्
रथमारोपयामास लोकानां हितकाम्यया
युक्ते वाजिसहस्रेण रथे ऽध्यास्तेति नःश्रुतम्