भवन्तमागतो द्रष्टुं सहैभिर्मुनिपुङ्गवैः
दातुमर्हति तत्क्षेत्रमेषां तोये च पूर्ववत्
निरूप्य मनसा राममिद भूयो ऽब्रवीद्वचः
तथा हि मे वरो दत्तः पुरानेन विरिञ्चिना
कातरं समुपायातो वशतां तव भार्गव
कथं न कुर्यां कर्मेदमहं क्षत्त्रकुलान्तक
तावत्संघारयिष्यामि भूमौ सलिलमात्मनः
यथागतं प्रचिक्षेप धनुर्निर्भिद्य भार्गवः
स्रुवं जग्राह मतिमान्क्षप्तुकामो जलाशये
अन्तर्हिते सरिन्नाथे रामः सुवमुदङ्मुखः
क्षिप्तत्वेन समुद्रे तु दिशमुत्तरपश्चिमाम्
तीर्थं शुर्पारकं नाम सर्वपापविमोचनम्
तीर्थं तदन्तरीकृत्य स्रुवो रामकराच्च्युतः
यत्राभूद्रामसृष्टाया भुवो निष्ठाथ पार्थिव
उत्सारयित्वा सलिलं समुद्रस्तावदात्मनः
अनतिक्रान्तमर्यादो यथाकालं भृगूद्वहः
विज्ञाय पूर्वसीमान्तां भुवमभ्युत्ससर्ज ह
नगरग्रमसीमानः किञ्चित्किञ्चित्क्वचित्क्वचित्
तत्र दैवात्तथा स्थानान्निम्नत्वात्स प्रलक्ष्य तु
यथाभिलषितं स्थानं प्रददौ प्रीतिपूर्वकम्
कृतकृत्या भृशं राममाशिषा समपूजयन्
गते मुनिवरे रामे देशात्तस्मान्निजाश्रमम्
परिचङ्क्रम्य तां भूमिं यत्नेन महातान्विताः
नित्यत्वा त्सर्वदेवानामधिष्ठानतया तथा
अपि रुद्रप्रभावेम प्रायान्नात्यन्तविप्लवम्
एतद्धि देवसामर्थ्यमचिन्त्यं नृपसत्तम
दक्षिणोत्तरतो राजनयोजनानां चतुःशतम्
कृतं रामेण महता न तु सज्जं महद्धनुः
यस्य पुत्रैरयं खण्डो भारतो ऽब्धौ निपतितः
रामेणाभूत्पुनः सृष्टं योजनानां तु षट्शतम्