वरेणानेन भगवन्कृतकृत्यो भावाम्यहम्
येनोद्धारणमेतेषां वह्नेः कोपस्य वै भवेत्
निरयोद्धारणं तेषां त्वया वत्स न शक्यते
कालः प्रतीक्ष्यतां तावद्यावत्त्वत्पौत्रसंभवः
राजा भगीरथो नाम सर्वधर्मार्थतत्त्ववित्
आनेष्यति दिवो गङ्गां तपस्तप्त्वा महाद्ध्रुवम्
प्राप्नुवन्ति गतिं स्वर्गे भवतः पितरो ऽखिलाः
भागीरथीति लोके ऽस्मिन्सा विख्यातिमुपैष्यति
निरयादपि संयाति देही स्वर्लोकमक्षयम्
पितामहाय चैवैनमश्वं संप्रतिपादय
ययौ तेनाभ्यनुज्ञातः साकेतनगरं प्रति
न्यवेदयच्च वृत्तान्तं मुनेस्तेषां तथान्मनः
अतः परमनुष्ठेयमब्रवीत्किं मयेति च
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे कपिलाश्रमस्थाश्वानयनं नाम चतुष्पञ्चाशत्तमो ऽध्यायः
अभिनन्द्याशिषात्यर्थं लालयन्प्रशशंस ह
उपाक्रमत तं यज्ञे विधिवद्वेदपारगैः
सम्यगौर्ववसिष्ठाद्यैर्मुनिभिः संप्रवर्त्तितः
सुसमृद्धं यथाशास्त्रं यज्ञे सर्वं बभूव ह
क्रमात्समापयामासुर्यजमानपुरस्सराः
यथावद्दक्षिणां चैव ऋत्विजां प्रददौ तदा
तत्काङ्क्षितादभ्यधिकं प्रददौ वसु सर्वशः
क्षमापयामास गुरून्सदस्यान्प्रणिपत्य च
वारकीयाकदंबैश्च सूतमागधवन्दिभिः
दोधूयमानचमरो वालव्यजनराजितः
स गत्वा सरयूतीरं यथाशाश्त्रं यथाविधि
एवं स्नात्वा सपत्नीकः सुहृद्भिर्ब्राह्मणैः सह
मङ्गल्यैर्वेदघोषैश्च सह विप्रजनेरितैः
प्रविवेश पुरीं रम्यां हृष्टपुष्टजनायुतम्
सिक्तसंमृष्टभूभागापणशोभासमन्विताम्
स तत्रागरुधूपोत्थगन्धामोदितदिङ्मुखम्