वारकाताकदबैश्च नगरीभिश्च सवृताः
स तैः समेत्य नृपतिर्लब्धाशीर्वाद सक्त्क्रियः
नानावादित्रसंघोषमिश्रेण मधुरेण च
आनन्दयन्प्रजाः सर्वाः प्रविवेश पुरोत्तमम्
संस्तूयमानः सुभृशं सूतमागधवन्दिभिः
कलतालरवोन्मिश्रवीणावेणुतलस्वनैः
अन्वीयमानो विलसच्छ्वेतच्छत्रविराजितः
पुरीमयोध्यामविशत्स्वपुरीमिव वासवः
जगाम मध्येनगरं गृहं श्रीमदलङ्कृतम्
प्रविवेश गृहं मातुर्हृष्टपुष्टजनायुतम्
तत्पादौ संस्पृशन्मूर्ध्ना प्रणाममकरोत्तदा
ससंभ्रमं समुत्थाय पर्यष्वजत चात्मजम्
स तां संभाव्य कथया तत्र स्थित्वा चिरादिव
ततः सानुचरो राजा श्वेतव्यजनवीजितः
संप्रविश्य सभां दिव्यामनेकनृपसेविताम्
सिंहासने शुभे दिव्ये निषसाद नरेश्वरः
नानाविधाः कथाः कुर्वन्स तत्र नृपसत्तमः
प्रतिज्ञां पालयित्वैवं जितदिङ्मण्डलो नृपः
स्वप्रभावजिताशेषवैरिर्दिङ्मण्डलाधिपः
स्वर्यातस्य पितुः पूर्वं परिभावममर्षितः
सप्तद्वीपाब्धिनगरग्रामायतनमालिनीम्
एवं गच्छति काले च वसिष्ठो भगवानृषिः
तमायान्तमतिप्रेक्ष्य मुनिवर्यं ससंभ्रमः
अर्ध्यपाद्यादिभिः सम्यक्पूजयित्वा महामतिः
आशीर्भिर्वर्द्धयित्वा तं वसिष्ठः सगरं तदा
उपाविशत्ततो राजा काञ्चने परमासने
आपवस्तुनृपश्रेष्ठमुपासीनमुपह्वरे
कुशलं ननु ते राजन्वाह्येष्वाभ्यन्तरेषु च
दिष्ट्या च विजिताः सर्वे समग्रबलवाहनाः
दिष्ट्यारूढप्रतिज्ञेन मम मानयता वचः