ततो गत्वा ततः श्राद्धे यथाशास्त्रमरिन्दमः
शैवं तत्र परं स्थानं चन्द्रपादमिति स्मृतम्
यत्रार्चिताः स्वकुलजैर्यथाशक्ति मनागपि
पितॄनुद्दिश्य तत्रासौ तर्प्पितेषु द्विजातिषु
ततस्तत्पितरः सर्वे पितृलोकादुपागताः
अथ संप्रीतमनसः समेत्य भृगुनन्दनम्
महत्कर्म कृतं वीर भवतान्यैः सुदुष्करम्
अस्माकमक्षयां प्रीतिं तथापि त्वं न यच्छसि
क्षेत्रस्यास्य प्रभावेण भक्त्या च तव दर्शनम्
त्समात्त्वं वीरहत्यादिपापप्रशमनाय हि
वधाच्च विनिवर्तस्व क्षत्रियाणामतः परम्
तन्निमित्तं तु मरणं पितुस्ते विहितं पुरा
निमित्तमात्रमेवेह सर्वः सर्वस्य चैतयोः
कालानुवृत्तं बलवान्नृलोको नात्र संशयः
शक्यते वत्स सर्वो ऽपि यतः शक्त्या स्वकर्मकृत्
शममा प्नुहि भद्रं ते स ह्यस्माकं परं बलम्
स चापि तद्वचः सर्वं प्रतिजग्राह सादरम्
प्रययौ च तदा रामस्तस्मात्सिद्धवनाश्रमम्
तपसे धृतसंकल्पो बभूव स महामनाः
पुनरागमसंकेतं कृत्वा प्रास्थापयत्तदा
परीत्यपृथिवीं सर्वां पितृदेवादिबूजकः
परिचक्राम राजेन्द्र लोकवृत्तमनुव्रतः
जगाम तपसे राजन्बाह्मणैरभिसंवृतः
निवासमात्मनो राजन्कल्पयामास धर्मवित्
द्रष्टुकामाः समाजग्मुर्नियता ब्रह्मवादिनः
क्षात्रं कक्षमशेषेण दग्ध्वा शान्तमिवानलम्
अर्घ्यादिसमुदाचारैः पूजयामास भार्गवः
तेषां तस्य च संवृत्ताः कथाः पुण्या मनोहराः
हयमेधं महायज्ञमाहर्तुमुपचक्रमे
विश्वामित्रभरद्वाजमार्कण्डेयादिभिस्तथा