सहसाहोथ सारथ्यं चक्रे सारथिनां वरः
तस्याभून्नगरी सर्वा संक्षुब्धाश्च नरद्विपाः
संक्षुब्धाश्चक्रुरुद्योगं संग्रामाय नृपात्मजाः
रामेण योद्धुं सहिता राजभिश्च क्रुरुद्यमम्
राममासादयामासुः पतङ्गा इव पावकम्
युयुधे पार्थिवैः सर्वैः समरे ऽमितविक्रमः
जघान यत्र संक्रुद्धो राज्ञां शतमुदारधीः
त्रणेन पातयामास क्षितौ क्षत्रियमण्डलम्
हतशिष्टा नृपतयो दुद्रुवुः सर्वतोदिशम्
जघान शतशो राज्ञः शूराञ्छरवराग्निना
उदैरयद्भार्गवो ऽस्त्रं कालाग्निसदृशप्रभम्
पुरीं सहस्त्यश्वनरां स ददाहास्त्रपावकः
जीवनाय जगामाशु वीतिहोत्रो भयातुरः
प्राशयानो ऽखिलान् लोकान् साक्षात्काल इवान्तकः
जगामरथघोषेण कंपयन्निव मेदिनीम्
महेन्द्राद्रिं ययौ रामस्तपसे धतमानसः
प्रत्येत्य भूयस्तद्धत्यै बद्धदीक्षो धृतव्रतः
निजघान पुनर्भूमौ राज्ञ शतसहस्रशः
षट्चतुष्टयवर्षान्तं तपस्तेपे पुनश्च सः
जघान भूमौ निःशेषं साक्षात्काल इवान्तकः
निघ्नंश्चचार पृथिवीं वर्षद्वयमनारतम्
त्रिः सप्तकृत्वः पृथिवी तेन निःक्षत्रिया कृता
तावद्रामेण तस्मात्तु क्षत्रमुत्सादितं भुवि
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे भार्गवचरिते षट्चत्वारिंशत्त मो ऽध्यायः
षट्सहस्रद्वयं रामो जीवग्राहं गृहीतवान्
स जगाम महातेजाः कुरुक्षेत्रं तपोमयम्
सुखावगाहतीर्थानि तानि चक्रे समन्ततः
सरांसि तानि वै पञ्च पूरयामास भार्गवः
पितॄन्संतर्पयामास यथाशास्त्रमतन्द्रितः
ब्राह्मणैः सह मातुश्च तत्र चक्रे यथोदितम्