अविदिततनुनामाभीष्टवस्त्वेकधामाभवदथ भव भामा पातु मां पूर्णकामा
तदिह निखिलतातः संबभूवोक्षपातः कृतकृतकनिपातः पातु मामद्य मातः
प्रसभरचितकाशी भक्तदत्ताखिलाशीरवतु विजितपाशी मांसदा षण्मुखाशी
हरकृतबहुमानो गोपिकेशैकतानो विदितबहुविधानो जायतां कीर्तिहा नौ
सकलगुणगरिष्ठो राधिकाङ्केनिविष्टो मम कृतमपराधं क्षन्तुमर्हत्वगाधम्
रासेशी रसिकेश्वरी रमणत्दृन्निष्ठानिजानन्दिनी नेत्री सा परिपातु मामवनतं राधेति य कीर्त्यते
यस्या गर्भसमुद्भवो ह्यतिविराड्यस्यांशभूतो विराट् यन्नाभ्यंबुरुहोद्भवेन विधिनैकान्तोपदिष्टेन वै सृष्टं सर्वमिदं चराचरमयं विश्वं च यद्रोमसु ब्रह्माण्डानि विभान्ति तस्य जननी शश्वत्प्रसन्नास्तु सा
कृष्णः पूर्णतमो ममोपरि दयाक्लिन्नान्तरः स्तात्सदा येनाहं सुकृती भवामि च भवाम्यानन्दलीनान्तरः
विज्ञाताखिलतत्त्वार्थो हृष्टरोमा कृतार्थवत्
भार्गवं प्रणतं भक्त्या कृपापात्रं पुरस्थितम्
अद्य प्रभृति वत्सास्मिंल्लोके श्रेष्ठतमो भव
तत्सर्वं क्रमतो भाव्यं समा बह्वीस्त्वया विभो
योगश्च सादनीयो वै शत्रूणां निग्रहस्तथा
ज्ञानेन यशसा वापि सर्वश्रेष्ठतमो भवान्
तपश्चर यथाकालं तेन सिद्धिः करस्थिता
आलिङ्ग्य गाढं रासेण मैत्रीं तस्य चकार ह
कृष्णाज्ञया महाभागौ बभूवतुररिन्दम
उभाभ्यां च वरं प्रादात्प्रसन्नास्या मुदान्विता
मद्भक्तौ च विशेषेण भवन्तौ भवतां सुतौ
सिद्धिं प्रयातु ततसर्वं मत्प्रसादाद्धि तस्य तु
जन्मान्त रसहस्रेषु येषुयेषु व्रजाम्यहम्
अभेदेन च पश्यामि कृष्णौ चापि भवौ तथा
चिरञ्जीवी भवाशु त्वं प्रसादान्मम सुव्रत
प्रणतं भार्गवेन्द्रं तु वरार्हं जगदीश्वरः
स भविष्यति कार्त्स्येन सत्यमुक्तं न चान्यथा
न को ऽपि भवताद्वत्स तेजस्वी च भवत्परः
गोलोकं प्रययौ युक्तः श्रीदाम्ना चापि राधया
संपूज्य चाभिवाद्याथ प्रदक्षिणमुपा क्रमीत्
अकृतव्रणसंयुक्तो निश्चक्राम गृहान्तरात्
नमस्कृतो ययौ राजन्स्वगृहं परया मुदा