युगानुरूपा धर्मेण यैरिमा वर्द्धिताः प्रजाः
अभिध्याय प्रजा ब्रह्मा नानावीर्याः स्वमानसीः
कल्पे ऽतीते पुराण्यासीद्देवाद्यास्तु प्रजा इह
मन्वंतरक्रमेणेह कनिष्ठाः प्रथमेन ताः
कुशलाकुशलैः कंदैरक्षीणैस्तैस्तदा युताः
देवासुरपितॄंश्चैव यक्षैर्गन्धर्वमानुषैः
आहारार्थं प्रजानां वै विदात्मानो विनिर्ममे
तच्छरीरसमुत्पन्नैः कार्यैस्तैः कारणैः सह
ततो देवासुरपितॄन्मनुष्यांश्च चतुषृयम्
युक्तात्मनस्ततस्तस्य तमोमात्रासमुद्भवः
ततो ऽस्य जघ नात्पूर्वमसुरा जज्ञिर सुताः
सृष्टा यया सुरास्तन्वा तां तनुं स व्यपोहत
सा तमोबहुला यस्मात्ततो रात्रिस्त्रियामिका
सृष्ट्वासुरांस्ततः सो ऽथ तनुमन्यामपद्यत
ततस्तां युञ्ज मानस्य प्रियमासीत्प्रभोः किल
यतो ऽस्य दीव्यतो जातास्तेन देवाः प्रकीर्त्तिताः
तस्मात्तन्वास्तु दिव्याया जज्ञिरे तेन देवताः
उत्सृष्टा सा तनुस्तेन अहः समभवत्तदा
देवान्सृष्ट्वा ततः सो ऽथ तनुमन्यामपद्यत
पितेव मन्यमानस्तान्पुत्रान्प्रध्याय स प्रभुः
तस्मात्ते पितरो देवाः पितृत्वं तेषु तत्स्मृतम्
सापविद्धा तनुस्तेन सद्यः संध्या व्यजायत
तयोर्मध्ये तु वै पैत्री या तनुः सा गरीयसी
युक्तास्तनुमुपासंते उषाव्युष्ट्योर्यदन्तरम्
ततो ऽन्यस्यां पुनर्ब्रह्मा स्वतन्वामुपपद्यत
मनसा तु सुतास्तस्य प्रजनाज्जज्ञिरे प्रजाः
सृष्ट्वा पुनः प्रजाः सो ऽथ स्वां तनुं स व्यपोहत
तस्माद्भवन्ति संहृष्टा ज्योत्स्नाया उद्भवे प्रजाः
सद्यो रात्र्यहनी चैवसंध्या ज्योत्स्ना च जज्ञिरे
तमोमात्रात्मिका रात्रिः सा वै तस्मान्नियामिका