सर्वांस्तान्भूपवर्गांश्च तदीयश्च महाचमूः
आजगाम महावीर्यः सुचन्द्रः सूर्यवंशजः
तत्रानेकमहावीरा गर्जन्तस्तोयदा इव
तेः प्रयुक्तानि शस्त्राणि महास्त्राणि च भूपते
गृहीत्वा परशुं दिव्यं कालातकयमोपमम्
कर्षकस्तु यथा क्षेत्रे पक्वं धान्यं तथा तृणम्
लक्षराजन्यसैन्यं तददृष्ट्वा रामेण दारितम्
तावुभौ तत्र संक्षुब्धौ नानाशस्त्रास्त्रकोविदौ
रामो ऽस्मै यानि शस्त्राणि चिक्षेपास्त्राणि चापि हि
ततः क्रुद्धो रणे रामः सुचन्द्रं पृथिवीश्वरम्
नारायणास्त्रं विशिखे संदधे चानिवारितम्
हृष्टोत्तीर्य रथात्सद्यः सुचन्द्रः प्रणनाम ह
तमेवं प्रणतं त्यक्त्वा यथौ नारायमन्तिकम्
दृष्ट्वा व्यर्थं महास्त्रं तद्भूपं स्वस्थं विलोक्य च
गदां च परशुं कोपाच्छिक्षेप नृपमूर्द्धनि
चिक्षेप शिवशूलं च रामो नृपतये यदा
ददर्श च पुरस्तस्य भद्रकालीं जगत्प्रसूम्
सिंहस्थां च त्रिनेत्रां च त्रिशूलवरधारिणीम्
नमोस्तु ते शङ्करवल्लभायै जगत्सवित्र्यै समलङ्कृतायै
दक्षप्रसूत्यै हिमवद्भवायै महेश्वरार्द्धङ्गसमास्थितायै
ताराभिधायै शिवतत्परायै गणेश्वराराधितपादुकायै
जगद्धितायास्तपुरत्रयायै बालादिकायै त्रिपुराभिधायै
बकाननायै बहुसाख्यदायै विध्वस्तनानासुरदान्वायै
पीतांबरायै पवनाशुगायै शुभप्रदायै शिवसंस्तुतायै
लघुक्रमायै ललिताभिधायै लेखाधिपायै लवणाकरायै
रमाभिधायै रतिसुप्रियायै रोगापहायै रचिताखिलायै
नमो नमस्ते परतः पुरस्तात् पार्श्वाधरोर्ध्वं च नमो नमस्ते
प्रसीद देवेशि मम प्रतिज्ञां पुरा कृतां पालय भद्रकालि
एवं स्तुता तदा देवी भद्रकाली तरस्विनी
वत्स राम महाभाग प्रीतास्मि तव सांप्रतम्