चतुर्द्वारसमायुक्तं शोभितं मणिवेदिभिः
नानाचित्रविचित्रैश्च शोभितैः सुमनोहरैः
ददर्शरामो धर्मात्मा विचित्रमिव संगतः
महाकरालदन्तास्यौ विकृतारक्तलोचनौ
विभूतिभूषिताङ्गौ च व्याघ्रचर्मांबरौ च तौ
तौ दृष्ट्वा मनसा भीतः किञ्चिदाह विनीतवत्
ईश्वराज्ञां समादाय मामथाज्ञप्तुमर्हथ
प्रवेष्टुमाज्ञां ददतुरीश्वरानुचरौ च तौ
तत्रातिरम्यां सिद्धौघैः समाकीर्णां सभां द्विजः
तत्रापश्यच्छिवं शान्तं त्रिनेत्रं चन्द्रशेखरम्
विभूतिभूषिताङ्गं च नागयज्ञोपवीतिनम्
पञ्चाननं दशभुजं भक्तानुग्रहविग्रहम्
स्तूयमानं च योकीन्द्रैः प्रमथप्रकरैर्मुदा
मूर्ध्ना नमाम तं दृष्ट्वा रामः परमया मुदा
नन्दीश्वरं महाकालं वीरभद्रं च तत्पुरः
स्तोतुं प्रचक्रमे विद्वान्गिरा गद्गदया विभुम्
भुजङ्गभूषणं चोग्रं नृकपालस्रगुज्ज्वलम्
ब्रह्मादिरूपधृग्ज्येष्ठस्तं त्वां वेद कृपार्णवम्
ज्ञानबुद्ध्योरसाध्यं च निराकारं नमाम्यहम्
न यं विदुर्यथातत्त्वं तं नमामि परात्परम्
लीयन्ते च पुनर्यस्मिंस्तं नमामि जगन्मयम्
सोर्द्ध्वलोकं सपातालं तं नमामि हरं परम्
मूर्त्तयो ऽष्टौ जगत्पूज्यास्तं यज्ञं प्रणमाम्यहम्
रर्त्ता पुना रुद्रवपुस्तथान्ते तं कालरूपं शरणं प्रपद्ये
उत्थाप्य तं वामकरेण लीलया दध्रे तदा मूर्ध्नि करं कृपार्णवः
उवाच वामामभिवीक्ष्य चाप्युमां कृपार्द्रदृष्ट्याखिलकामपूरकः
विनिर्द्दिशाहं तव भक्तिभावतः प्रीतः प्रदद्यां भवतो मनोगतम्
पुनश्च नत्वा विबुधां पति गुरुं कृपासमुद्रं समुवाच सत्वरम्
रामो नाम जगद्वन्द्यं त्वामहं शरणं गतः
तं प्रसाधय विश्वेश वाञ्छितं काममेव मे