भवित्री चिररात्राय बहुकल्याण भाजनम्
तद्वाक्यगौरवाद्धर्षमवापुस्तनयाश्च ते
शाययित्वा निवाते तु परितः समुपाविशन्
निमत्तानि शुभान्यासन्ननेकानि महान्ति च
निषेदुः सहिता मात्रा काङ्क्षन्तो जीवितं पितुः
विधेर्बलेन मतिमांस्तत्रागच्छद्यदृच्छया
सर्वशास्त्रार्थवित्प्राज्ञः सकलासुरवन्दितः
यथाहतान्मृतान्देवैरुत्थापयति दानवान्
प्रणीतमनुजीवन्ति सर्वे ऽद्यापीह पार्थिवाः
ददर्श तदवस्थांस्तान्सर्वान्दुःखपरिप्लुतान्
उत्थायास्मै ददुश्चापि सत्कृत्य परमासनम्
पप्रच्छ किमिदं वृत्तं तत्सर्वं ते न्यवेदयन्
संजीविन्या विनया तं सिषेच प्रोच्चरन्निदम्
तेनासौ जीवताच्छीघ्रं प्रसुप्त इवचोत्थितः
समुत्तस्थावथार्चीकः साक्षाद्ग्ररुरिवापरः
ननाम भक्त्या नृपते कृताञ्जलिरुवाच ह
धन्यो ऽहं कृतकृत्यो ऽहं सफलं जीवितं च मे
भगवन्किं करोम्यद्य शुश्रूषां तव मानद
इत्युक्त्वा सहसाऽनीतं रामेणार्ध्यं मुदान्वितः
तज्जलं शिरसाधत्त सकुटुंबो महामनाः
भगवन् किं कृतं तेन राज्ञा दुष्टेन पातकम्
साधुबुद्ध्यास दुष्टात्मा किं चकार महामते
चिरं ध्यात्वा समालोच्य कारणं प्राह भूपते
यश्च वै कृतवान्पापं सर्वज्ञस्य तवानघ
द्विजापराधतो मूढ वीर्यं ते विनशिष्यते
अयं रामो महावीर्यं प्रसह्यनृपपुङ्गवम्
यस्मादुरः प्रतिहतं त्वया मातर्ममाग्रतः
त्रिः सप्तकृत्वो निःक्षत्रां करिष्ये पृथिवीमिमाम्
भाविनोर्ऽथस्य च बलात्करिष्यत्येव मानद
दत्तात्रेयाद्धरेरंशाल्लब्धबोधो महामतिः