किष्कुः स्मृतो द्विरत्निस्तु द्विचत्वारिंशदंगुलः
धनुःसहस्त्रे द्वे तत्र गव्यूतिस्तौः कृता तदा
एतेन योजनेनेह सन्निवेशास्ततः कृताः
चतुर्थ कृतिमं दुग तस्य वक्ष्यामि निर्णयम्
रुचकः प्रतिकद्वारं कुमारीपुरमेव च
हस्तस्रोतो दशश्रेष्ठो नवहस्तोष्ट एव च
त्रिविधानां च दुर्गाणां पर्वतोदकधन्विनाम्
योजनादर्द्धविष्कम्भमष्टभागाधिकायतम्
छिन्नकर्णविकर्णं च व्यजनाकृतिसंस्थितम्
चतुरस्रयुतं दिव्यं प्रशस्तं तैः पुरं कृतम्
अत्र मध्यं प्रशंसंति ह्रस्वं काष्ठविवर्ज्जितम्
नगरादर्द्धविषकंभः खेटं पानं तदूर्द्धतः
द्विक्रोशः परमा सीमा क्षेत्रसीमा चतुर्द्धनुः
विंशद्धनुर्ग्राममार्गः सीमामार्गो दशैव तु
नृवाजिरथनागानामसंबाधस्तु संचरः
त्रिका रथ्योपरथ्याः स्युर्द्विका श्चाप्युपरत्यकाः
धृतिमार्गस्तूर्द्धषष्ठं क्रमशः पदिकः स्मृतः
कृतेषु तेषु स्थानेषु पुनर्गेहगृहाणि वै
तथा कर्तुं समारब्धाश्चिंतयित्वा पुनः पुनः
अत ऊर्द्ध गताश्चान्या एवं तिर्यग्गताः परा
यथा कृतास्तु तैः शाखास्त स्माच्छालास्तु ताः स्मृताः
तस्मात्ताश्च स्मृताः शालाः शालात्वं तासु तत्स्मृतम्
तस्माद् गृहाणि शालाश्च प्रासादाश्चैव संज्ञिता
नष्टेषु मधुना सार्द्धं कल्पवृक्षेषु वै तदा
ततः प्रादुर्बभौ तासां सिद्धिस्त्रेतायुगे तदा
तासां वृष्ट्युदकानीह यानि मिष्टगतानि च
ये परस्तादपां स्तोकाः संपाताः पुथिवीतले
पुष्पमूलफलिन्यस्तु ओषध्यस्ता हि जज्ञिरे
ऋतुपुष्पफलाश्चैव वृक्षा गुल्माश्च जज्ञिरे
तदौषधेन वर्तंते प्रजास्त्रेता मुखे तदा