नितंबस्थलसंसक्ततुषारनिचयैग्यम्
निबिडश्रितनीहारनिकरेण तथोपरि
चन्दनागुरुकर्पूरकस्तूरीकुङ्कुमादिभिः
मृगेन्द्राहतदन्तीन्द्रकुंभस्थलपरिच्युतैः
नानावृक्षलतावल्लीपुष्पालङ्कृतमूर्द्धजः
नानाधातुविचित्राङ्गः सर्वरत्नविभूषितः
गजाश्वमुखयूथैश्च समन्तात्परिवारितः
विविक्तगह्वरास्थानमध्यसिंहासनाश्रयः
दृष्ट्वा जनैरनासाद्यो महाराजाधिराजवत्
मयूरैरुपनृत्यद्भिर्गायद्भिश्चैव किन्नरैः
व्यक्तमेवाचलेन्द्राणामधिराज्यपदे स्थितः
एवं संचिन्तयानः स हिमाद्रिवनगह्वरे
आससाद वने तस्मिन्विपुले भृगुपुङ्गवः
कुमुदोत्पलकह्लारनिकरैरुपसोभितम्
अन्यैश्च जलचैर्वक्षैः सर्वतः समलङ्कृतम्
जीवजीवकचक्राह्वकुररभ्रमरोत्करैः
शफरीमत्स्यसंघैश्च विचरद्भिरितस्ततः
आससाद भृगुश्रेष्ठस्तत्सरोवरमुत्तमम्
स तस्य तीरे विपुलं कृत्वाश्रमपदं शुभम्
शाकमूलफलाहारो नियतं नियतेन्द्रियः
भृगूपदिष्टमार्गेण भक्त्या परमया युतः
अनिकेतः स वर्षासु शिशिरे जलसंश्रयः
रिपून्निर्जित्य कामादीनूर्मिषषट्कं विधूय च
यमैः सनियमैश्चैव शुद्धदेहः समाहितः
जितपद्मासनो मौनी स्थिरचित्तो महामुनिः
धारणाभिः स्थिरीचक्रे मनश्चञ्चलमात्मवान्
स्वस्थान्तः करणो मैत्रः सर्वबाधाविवर्जितः
ध्येयावस्थि तचित्तात्मा निश्चलेद्रियदेहवान्
जपंश्च देवदेवेशं ध्यायंश्च स्वमनीषया
ततः स निष्फलं रूपमैश्वरं यन्निरञ्जनम्