पवृत्तं द्वापरे युद्धं स्तेयमेव कलौ युगे
कलिस्तमस्तु विज्ञेयं गुणवृत्तं गुमेषु तत्
चत्वारि तु सहस्राणि वर्षाणां तत्कृतं युगम्
चत्वार्यैव सहस्राणि वर्षाणां मोनुषाणि तु
ततः कृत्युगे तस्मिन् ससंध्यांशे गते तदा
सन्ध्यायास्तु व्यतीतायाः सांध्यः कालो युगस्य सः
एवं कृतयुगे तस्मिन्निश्शेषेंतर्दधे तदा
सिद्धिरन्ययुगे तस्मिंस्त्रेताख्ये ऽनंतरे कृतात्
अष्टौ ताः क्रमयोगेन सिद्धयो यांति संक्षयम्
मन्वंतरेषु सर्वेषु चतुर्युगविभागशः
संध्या कृतस्य पादेन संक्षेपेण वशात्ततः
हीयंते युगधर्मास्ते तपःश्रुतबलायुषः
त्रेतायुगसमुत्पत्तिः सांशा च ऋषिसत्तमाः
कल्पादौ संप्रवृत्तायास्त्रेतायाः प्रसुखे तदा
तस्यां सिद्धौ प्रनष्टायामन्या सिद्धिरजायत
मेघेभ्यः स्तनयितृभ्यः प्रवृत्तं पृष्टिसर्जनम्
प्रजा आसंस्ततस्तासां वृक्षश्च गृह संज्ञिताः
वर्त्तयंतेस्म तेभ्यस्तास्त्रेतायुगमुखे प्रजाः
संगलोलात्मको भावस्तदा ह्याकस्मिको ऽभवत्
तदा तद्वै न भवति पुनर्युगबलेन तु
ततस्तेनैव योगेन वर्त्तते मैथुनं तदा
अकाले चार्तवोत्पत्त्या गर्भोत्पत्तिस्तदाभवत्
प्रणश्यंति ततः सर्वे वृक्षास्ते गृहसंज्ञिताः
अभिध्यायंति ताः सिद्धिं सत्याभिध्यायिनस्तदा
वस्त्राणि च प्रसूयंते फलान्याभरणानि च
आन्वीक्षिकं महावीर्यं पुटके पुटके मधु
त्दृष्टपुष्टास्तया सिद्ध्या प्रजास्ता विगतज्वराः
वृक्षांस्ताः पर्यगृह्णंत मधु वा माक्षिकं बलात्
प्रनष्टा प्रभुणा सार्द्धं कल्पवृक्षाः क्वचित्क्वचित्
वर्त्तंते चानया तासां द्वंद्वान्यत्युत्थितानि तु