चतुर्दशानां विद्यानामेकस्यामपि पारगाः
असंदेहस्तु सौपर्णाः पञ्चाग्नेयाश्च सामगाः
त्रिनाचिकेतस्त्रै विद्यो यश्च धर्मान्द्विजः पठेत्
सर्वे ते पावना विप्राः पङ्क्तीनां समुदात्दृताः
पितरस्तस्य तन्मासं तस्मिन्रितसि शेरते
यतिं वा वालखिल्यं वा भोजयेच्छ्राद्दकर्मणि
गृहस्थं भोजयेद्यस्तु विश्वेदेवास्तु पूजिताः
यतीनां तु कृता पूजा साक्षाद्ब्रह्मा तुं पूजितः
चत्वारस्त्वाश्रमाः पूच्याः श्राद्धे देवे तथैव च
यस्तिष्ठेद्वायुभक्षश्च चातुराश्रमबाह्यतः
अयतिर्मोक्षवादी च श्रुतौ तौ पङ्क्तिदूषकौ
निन्दन्ति च द्विजातिभ्यः सर्वे ते पङ्क्तिदूषकाः
ध्यानं निन्दन्ति ये केचित्सर्वे ते पङ्क्तिदूषकाः
निर्घृणान्भिन्नवृत्तांश्च सर्वभक्षांश्च वर्जयेत्
गाय नान्वेदवृत्तांश्च हव्यकव्ये न भोजयेत्
यो ऽश्नाति सह शूद्रेणा सर्वे ते पङ्क्तिदूषणाः
शुश्रूषणं चाप्यगुरोररेर्वाप्यकार्यमेतद्धि सदा द्विजानाम्
मिथ्याप्रवादी निन्दाकृत्तथा सूचकदांभिकौ
वेदे नियोगदातारो लोभमोहफलर्थिनः
न वियोगास्तु वेदानां यो नियुङ्क्ते स पापकृत्
भृतको ऽध्यापयेद्यस्तु भृतकाध्यापितस्तु यः
क्रयश्च विक्रयश्चैवाजीवितार्थे विगर्हितौ
आहरेद्भृतितो वेदान् वेदेभ्यश्चोपजीवति
वृथा दारांश्च यो गच्छेद्यो यजेत वृथाध्वरैः
स्त्रियो रक्तान्तरा येषां परदारपराश्च ये
वर्णाश्रमाणां धर्मेषु विरुद्धाःसर्वकर्मणि
यश्च सूकरवद्भुङ्क्ते यश्च पाणितले द्विजः
स्त्रीशूद्रायान्नमेतद्वै श्राद्धोच्छिष्टं न दापयेत्
तस्मान्न देयमन्नाद्यमुच्छिष्टं श्राद्धकर्मणि
अवशेषं तु दातव्यमन्नाद्यं तु विशेषतः