कालेयं कालशाकं च भूरिपूर्णा सुवर्चला
कफालकं कणा द्राक्षा लकुचं चोचमेव च
वैकङ्कतं नालिकेरशृङ्गज पकरूषकम्
सुगन्धमांसपीवन्ति कषायाः सर्व एव च
नागरं चात्र वै देयं दीर्घमूलकमव च
वर्जनीयानि वक्ष्यामि श्राद्धकर्मणि नित्यशः
करंभाद्यानि चान्यानि हीनानि रसगन्धतः
पुरा देवासुरे युद्धे निर्जितस्य बलेः सुरैः
तत एतानि जातानि लशुनादीनि सर्वशः
श्रद्धकर्मणि वर्ज्यानि याश्च नार्यो रजस्वलाः
लभेद्यत्र न गौस्तृप्तिं नक्तं यच्चैव गुह्यते
माहिषं चामरं चैव पयो वर्ज्यं विजानता
न द्रष्टव्यं च यैः श्राद्धं शौचाशौचं च कृत्स्नशः
राजनिष्ठामवाप्नोति स्वर्गमक्षयमेव च
पूतिगन्धां तथा भूमिं वर्जयेच्छ्राद्धकर्मणि
त्रिशङ्कोर्वर्जयेद्देशं सर्वं द्वादश योजनम्
देशास्त्रिशङ्कवो नाम वर्ज्या वै श्राद्धकर्मणि
प्रनष्टाश्रमधर्माश्च वर्ज्या देशाः प्रयत्नतः
गच्छन्त्येतैस्तु दृष्टानि न पितॄंश्च पितामहांन
सर्वेषामेव भूतानां त्रयीसंवरणं स्मृतम्
प्रलीयते वृषो यस्मिन्निरालंबश्च यो बृषे
वृषो वेदाश्रमस्तस्मिन्यो वै सम्यङ्न पश्यति
पुरा देवासुरे युद्धे निर्जितैरसुरैस्तथा
वृद्धश्रावकिनिर्ग्रन्थाः शाक्या जीवककार्पटाः
वृथा जटी वृथा मुण्डी वृथा नग्नश्च यो द्विजः
कुलधर्मातिगाः शश्वद्वृथा वृत्तिकलत्रकाः
एतैर्हि दत्तं दृष्टं वै श्राद्धं गच्छति दानवान्
दस्युश्चैव नृशंसश्च दर्णने तान्विसर्जयेत्
देवतानामृषीणां च विवादे प्रवदन्ति ये
असुरान्यातुधानांश्च दृष्टमेभिर्व्रजत्युत