देवसेनापतिस्त्वेष पठ्यते सुरनायकः
प्रमथैर्विधैर्देवस्तथा भूतगणैरपि
लोकाः सोमपदा नाम मरीचेर्यत्र वै सुताः
श्रुता बर्हिषदो नाम पितरः सोमपास्तु ते
अच्छौदं नाम तद्दिव्यं सरो यस्मात्समुत्थिता
संभूता मानसी तेषां पितॄन्स्वान्नाभिजानती
अमावसुमिति ख्यातमैलपुत्रं नभश्चरम्
सा तेन व्यभिचारेण गगने नाप्रजारिणी
त्रीण्यवश्यद्विमानानि पतन्ती सा दिवश्च्युता
सुसूक्ष्मानपरिव्यक्तानग्नीनग्निष्विवाहितान्
तैरुका सा तु मा भैषी रित्यतो ऽधिष्ठिताभवत्
ऊचुस्ते पितरः कन्यां भ्रष्टैश्वर्यां व्यतिक्रमात्
यैराचरन्ति कर्मणि शरीरैरिह देवताः
सद्यः फलन्ति कर्माणि देवत्वे प्रेत्य मानुषे
इत्युक्तया तु पितरः पुनस्ते तु प्रसादिताः
उत्पन्नस्य पृथिव्यां तु मानुषेषु महात्मनः
अष्टाविंशे भवित्री त्वं द्वापरे मत्स्ययोनिजा
पराशरस्य दायादमृषिं त्वं जनयिष्यसि
महाभिषस्य पुत्रौ द्वौ शन्तनोः कीर्त्तिवर्द्धनौ
चित्राङ्गदं च राजानं सर्वसत्त्वबलान्वितम्
व्यभिचारात्पितॄणां त्वं प्राप्स्यसे जन्म कुत्सितम्
कन्या भूत्वा ततश्च त्वमिमांल्लोकानवाप्स्यसि
अद्रिकायाः सुता मत्स्या सुता जाता ह्यमावसोः
तस्या राज्ञो हि सा कन्या राज्ञो वीर्येण चैव हि
एतेषां मानसी कन्या पीवरी नाम विश्रुता
भविता द्वापरं प्राप्य अष्टाविंशतिमेव तु
व्यासादरण्यां संभूतो विधूम इव पावकः
स तस्यां पितृकन्यायां पीवर्यां जनयद्विभुः
कृष्णा गौरं प्रभुं शंभुं तथा भूरिश्रुतं च वै
ब्रह्मदत्तस्य चननी महिषी त्वणुहस्य सा