एकस्तानपि मन्त्रज्ञः सर्वानर्हति तच्छृणु
एकस्तान्स्नातकः प्रितः सर्वानर्हति तच्छृणु
योगाचार्येण यद्भुक्तं त्रायते महातो भयात्
ब्रह्मचारिसहस्रेण योग एव विशिष्यते
नान्यत्र तारणं दानं योगेष्वाह प्रजापतिः
पुत्रो वाप्यथ वा पौत्रो ध्यानिनं भोजयिष्यति
तदलाभे उदसीनं गूहस्थमपि भोजयेत्
ध्यानयोगी परस्तस्मादिति ब्रह्मानुशासनम्
भावयन्सर्वलोकान्वै स्थित एष गणः सदा
संततिं संस्थितिं चैव भावनां च यथाक्रमम्
उपोद्धातपादे पितृकल्पो नाम नवमो ऽध्यायः
चत्वारो मुर्त्तिमन्तश्च त्रयस्तेषाममूर्त्तयः
यावै दुहितरस्तेषां दौहित्राश्चेव ये स्मृताः
अमूर्त्तयः पितृगणास्ते वै पुत्राः प्रजापतेः
एते वै पितरस्तात योगानां योगवर्धनाः
श्राद्धैराप्यायितास्ते वै सोममाप्याययन्ति च
एतेषां मानसी कन्या मेना नाम महागिरेः
पर्वतप्रवरः सो ऽथ क्रैञ्चश्चास्य गिरेः सुतः
अपर्णामेकपर्णां च तृतीयामेकपाटलाम्
आशिते द्वे अपर्णा तु ह्यनिकेता तपो ऽचरत्
आहारमेकपर्णेन ह्येकपर्णा समाचरत्
पूर्णे वर्षसहस्रे द्वे चाहारं वै प्रजक्रतुः
निषेधयन्ती सोमेति मातृस्रेहेन दुःखिता
उमेति हि महाभागा त्रिषु लोकेषु विश्रुता
एतत्तु त्रिकुमारीकं जगत्स्थावरजङ्ग मम्
तपःशरीरास्ताः सर्वास्थिस्रो योगबलान्विताः
सर्वाश्च ब्रह्मवादिन्यः सर्वाश्चैवोर्ध्वरेतसः
महायोगबलोपेता महादेवमुपस्थिता
असितस्यैकपर्णा तु पत्नी साध्वी पतिव्रता
देवलं सुषुवे सा तु ब्रह्मिष्ठं ज्ञानसंयुता