श्रोतव्यश्चैव सततं ग्राह्यश्चैवानसूयतः
अपत्यलाभं लभते च पुष्कलं प्रियं धनं प्रेत्य च शोभनां गतिम्
प्रतिष्ठितासु सर्वासु चरासु स्थावरासु च
ततः क्रमेण राज्यानि आदेष्टुमुपचक्रमे
यज्ञानां तपसां चैव सोमं राज्ये ऽभ्यषेचयत्
भृगूणामधिपं चैव काव्यं राज्ये ऽभ्यषेचयत्
प्रजापतीनां दक्षं च मरुतामथ वासवम्
नारायणं तु साध्यानां रुद्रणां च वृषध्वजम्
अपां च वरुणं राज्ये राज्ञां वैश्रवणं तथा
वैवस्वतं पितॄणां च यमं राज्ये ऽभ्यषेचयत्
शैलानां हिमवन्तं च नदीनामथ सागरम्
उच्चैःश्रवसमश्वानां राजानं चाभ्यषेचयत्
पक्षिणामथ सर्वेषां गरुडं पततां वरम्
समकालबलानां च वायुं बलवतां वरम्
सरीसृपाणां सर्पाणां पन्नगानां च तक्षकम्
आदित्यानामन्यतमं पर्जन्यमभिषिक्तवान्
ऋतूनामथ मासानामार्त्तवानां तथैव च
कलाकाष्ठाप्रमाणानां गतेरयनयोस्तथा
प्रजापतेर्विरजसः पूर्वस्यां दिशि विश्रुतम्
दक्षिणास्यां दिशि तथा कर्दमस्य प्रजापतेः
पस्चिमस्यां दिशि तथा रजसः पुत्रमच्युतम्
तथा हिरण्यरोमाणं पर्जन्यस्य प्रजापतेः
मनुष्याणामधिपतिं चक्रे वैवस्वतं मनुम्
यथाप्रदेशमद्यापि धर्मेण परिपाल्यते
नृपाश्चैते ऽभिषिच्यन्ते मनवो ये भवन्ति वै
एवमन्ये ऽभिषिच्यन्ते प्राप्ते मन्वन्तरे पुनः
राजसूये ऽभिषिक्तश्च पृथु रेभिर्नरोत्तमः
एतानुत्पाद्य पुत्रांस्तु प्रजासन्तानकारणात्
कश्यपो गोत्रकामस्तु चचार परमं तपः
तस्यप्रध्यायमानस्य कश्यपस्य महात्मनः